MERSÎN - Bertekên welatiyan a li dijî binçavkirina hevşaredaran û sewqkirina wan ya  dadgehê, li ber edliyeyê mezin dibe.

 

Li Mersînê 10’ê Çile de di serdegirtina malan de hevşaredarên Akdenîzê Hoşyar Sariyildiz û Nuriye Aslan, her wiha endamên meclîsa şaredariyê Ozgur Çaglar, Neslîhan Oruç, Yakup Daniş û Hîkmet Bakirdahn hatin binçavkirin. Îfadeyên wan yên li dozgeriyê  temam bûn. Dozgeriyê bi daxwaza girtinê yên binçavan de sewqê dadgehê kirin.

 

Girseya saetên sibehê de hatin ber avahiya şaredariyê dirûşmeyên ‘zext nikarin serî bi me bidin tewandin’, ‘maf, hiqûq û edalet’, ‘Em ê bi berxwedanê biserkevin’ berz kirin.

 

Girse li ber edliyeyê bendewariya xwe didomîne û bi tevlibûna parlamenterên DEM Partiyê daxuyanî hat dayîn.

 

‘Şaredarî di bin dagirkirinê de ye’

 

Parlamenterê DEM Partiyê Alî Bozan diyar kir ku hevalên wan bi awayekî dijhiqûqî sewqê dadgehê hatine kirin û got ne hevalên wan ne jî parêzer sûcdariyê nizanin. Alî Bozan da zanîn ku li Edliyeya Mersînê hiqûqa çetebûnê heye û got şaredarî jî niha di bin dagirkirinê de ye. 

 

Alî Bozan her wiha balkişand ser îfadeyên şahidên veşarî yên di dosyayê de û wiha dawî lê anî: “Hevalên me bi îfadeyên şahidên veşarî di binçavan de ne. Şahidê veşarî îdia kir ku hevalên me 'endamên rêxistinê' girtine. Lê piştî ku şaredarî dewrî me kir, yek karker jî nehat girtin. Ji ber ku Wezareta Karên Navxweyî qebûl nekir, leşkerkirin çênebû. Şahidê we yê veşart kî ye? Şahidê we yê veşartî Mustafa Muhammed Gultak, şaredarê AKP'ê yê ku di serdema berê de dengdêrekî xeyalî bû ye? An jî sekreterê wî yê taybet e ku 9 meh in bêyî raporê tê de mûçe distîne? Yan midûrê polîsan yê navçeyê? Heta sibê jî lêpirsîn bidome em ê li vir bin. Hilbijartinên AKPê li ku ne? Bila werin kesên ku vîna xwe diparêzin bibînin. Ger tu dengê xwe nekî tu alîgirê vî sûcî yî.” 

 

Daxuyanî bi dirûşmeyên ‘zext nikarin me têk bibin’ bidawî bû. Bendewariya girseyê didome.