Parêzerên Buroya Hiqûqê ya Bindegan (EHD) Sezîn Uçar û Ozlem Gumuştanş di serdegirtina malan de hatin binçavkirin û 7 rojan di bin çavan de man û piştre di 25’ê Cotmehê de hatibûn girtin. Her du parêzerên jin bi nasnameyên xwe yên sosyalîst dihatin nasîn. Lê piştî her du parêzer hatin girtin di serî de Baroya  Stenbolê û baroyên din daxuyaniyek nedan. Tevlî bêdengiya baroyan, hevpîşeyên wan li her du hevalên xwe xwedî derketin.

 

Hevberdevka Platfoma Hiqûqnasên Azad (OHP) Banu Guverenê  diyar kir ku Sezîn û Ozlem du jinên xurt bûne û wiha got: “Her ku jî her tim bi hêvî, têkoşîne û tu car kes di nîvê rê de nedihiştin.  Li ku derê neheqî û êş hebûna têdikoşiyan. Naskirina Ozlem û Sezînê bi wan re xebat û jiyankirina têkoşînê mirov xurt dikirin.”

 

‘Em ê bi piştevaniyê hevalên xwe bigirin’

 

Banuyê di berdewamiyê de diyar kir ku wan heta îro her du hevalên xwe yên jin li edliyeyê, li qerekolan, kolanan û cenazeyan dîtine û wiha got: “Her du jî neditirsiyan. Her tim ji bo neheqiyan derxin holê dixebitîn. Daraz baxçeyê dawî yê desthilatdariyê ye. Her du hevalên me ji ber helwesta xwe ya bi biryar û têkoşîna xwe hatine girtin. Em natirsin, têk naçin, em ê bi têkoşîn û piştevaniya xwe hevalên xwe şûnde bigirin.”

 

Îlknur Alcan: Em ê muvekîlên xwe biparêzin

 

Parêzer Îlknur Alcanê jî bi lêv kir ku Sezîn û Ozlemê her tim parêzeriya kesên bindest kiriye û wiha pê de çû: “Sezîn û Ozlem ji Hopayê bigirin heta Geziyê her tim di têkoşîna maf de cih girtine. Îro jî ji ber vê hatine girtin. Ji ber terza wan a parêzeriyê hatine girtin. Ji ber wek daxwaza desthilatdariyê parêzerî nekirine. Pirsên ji wan hatine pirsîn jî vê nîşan didin. Em ê bi hevpîşeyên xwe re bi dostên xwe re di piştevaniyê de bin. Em ê heta dawî muvekîlên wan biparêzin.”

 

Gulser Yolerî: Wê bi awayekî xurtir derkevin

 

Seroka ÎHD’a Stenbolê parêzer Guleren Yolerî jî bertek nîşanî girtina hevpîşeyên xwe da û got bi taybet di têkoşîna maf de desthilatdariyê hevalên wan ên jin hedef girtine û got girtina her du hevalên wan ên parêzer nayê qebûlkirin û got wê her du hevalên wan bi awayekî xurtir derkevin.