STENBOL-Rojnamegerên hatin girtin ev peyam dan: “Qesr û saltanat wê bikevin. Yên bimînin berxwedêrin û têkoşîna Nazim û Cîhan e. DFG saziyek çapemeniyê ye, nayên krîmînalîzekirin. Rojnamegerî ne sûc e.”

 

Di daxuyaniya li Şîşhane ya Stenbolê ku ji bo rojnameger Cîhan Bîlgîn û Nazim Daştan ku ji aliyê SÎHA’yên Tirkiyeyê de li Bakur û Rojhilatê Sûriyeyê hatibûn qetilkirin, hatibû dayîn de gelek kes hatibûn binçavkirin. Nav de rojnameger jî hene gelek kes hatin binçavkirin. 7 rojnamegerên hatin binçavkirin hatin girtin. Rojnamegerên hatin girtin bi hevkariya parêzerên xwe peyam şandin.

 

Rojnamegeran wiha gotin: “Qesr û saltanat wê bikevin. Yên bimînin berxwedêrin û têkoşîna Nazim û Cîhan e. DFG saziyek çapemeniyê ye, nayên krîmînalîzekirin. Rojnamegerî ne sûc e.”

 

Rojnamegerên hatin girtin wihane: Rojnameger Gulîstan Dursun, Hayrî Tunç, ji rojnameya Yenî Yaşam Enes Sezgîn, Osman Akin, Can Papîla, nûçegîhana Ajansa Etkîn Haber (Etha) Pinar Gayip, nûçegîhana Rojnameya Mucadela Birligi Serpil Unal.