ŞIRNEX - Meryem Suneya ke qedexeyê tebervejîyayîşê kuçeyan de 4ê êlule 2015an de Cizîre de ame îlankerdiş û 8 rojan dewam kerd de amî qetilkerdiş, derheqê merdişê aye de cigêrayîş ame meşnayîş de vejîya meydan ke cayê hedîse de cigêrayîş nêameyo kerdiş.

 

Qedexeyê tebervejîyayîşê kuçeyan 4ê êlule 2015an Cizîreyê Şirnexî de amebi îlankerdiş de 9 sivîlî cuya xo vinî kerdî û yê ameyî qetilkerdiş yew ci ra Meryem Sune bî. Meryeme 8ê êlule de verê keyeyê xo de bi gule amî qetilkerdiş û seba ke ambulanse erey amî gonî herikya zerrîya aye û cenazeya aye rojêke dolaba qeşayî de amebî verdayîş. Serê merdişê Meryeme ra keyeyî muracatê sucî kerd û serê cigêrayîşê dozgerîye hema dewam kena û vejîya meydan ke bi îdiayê ‘mintiqaya bêasayîşî' de cayê hedîse de cigêrayîş nêameyo kerdiş.

 

Bi rojan verê hedîse îxbar ameyo kerdiş

 

Dosyaya derheqê hedîseyê 5ê Êlule 2015an ke saete 21.00 de virazyaya de amî dîyarkerdiş ke verê Meryeme bêra qetilkerdiş, deeheqê kuçeyê ke keyeyê aye tede yo, xeylê rey îxbar ameyo kerdiş.

 

Wexto ke dayî piro, ambulanse nêamî

 

Keyeyê aye zî ke derheqê roja ke ame ciwîyayîş de îfadeyê înan ame girewtiş, dîyar kerdî ke Meryeme hem seba destmajî û hem zî seba domanan biewno saete dorê 21.00 de vejîyaya hewşe û dima ra vengê guleyan ameyo Meryeme ginaya erd. Keyeyî îfadeyê xo de wina va: "Bi vengê domanan dir ma hewşe ewnîyayî û ma dî ke Meryeme birîndar a û erd de bîya. Ma veng da ambulanse la nêamî. Dima ra ma doktorê taxe ard. Doktorî va gonîya herikyaya zerrîya û ganî şêra nêweşxane. Ma reyna ambulanse geyrayî û vatî ‘asayîş çin o ma nêeşkenê bêrê’. Meryeme dimayê wextêke cuya xo vinî kerde. Ma dima ra kerde dolaba qeşaye."

 

Netîceyê hewldayîşê parlamenterê HDPyî de cenaze amî girewtiş

 

Meryeme ke amî qetilkerdiş rojêke dima bi hewldayîşê parlamenterê HDPyî ambulanse şî cayê hedîse û cenaze berdî nêweşxane.