STENBOL - Rojnamegera ETHAyî Havva Cuştana ke 9 aşman Hepisxaneyê Bakirkoyê Cinîyan de mende, amî tehlîyekerdiş. Havvaye bale ante serê piştdayîşê mabêne rojnamegeran û va ganî rojnamegerî nêtersê û tewr zêde xeberan viraznê.

 

Rojnamegera ETHA Havva Cuştana ke seba dewaya derheqê rojnameya Cumhurîyetî yê 27in Dadgeha Cezaya Giran de ameyne vînayîş, bî  rojanemgera hukmkerdî û 9 aşmî hepisxaneyê cinîyan ê Bakirkoyî de mende. Havva rojê vîyarte de amî tahlîyekerdiş. Havvaye va seba hevalê aye Îsmînaz Temel û avûkat Ozlem Gumuştaş û Sezîn Uçare nêameyê veradayîş xemgîn a û va ganî rojnamegerî nêtersê û tewr zêde xeberan viraznê.

 

Havvaye va aye seba tepiştişê xo matmayî nêmenda û va: "Di sebebê tepiştişê mmi estbi. Bi tepiştişê mi waştî ke mesaj bidê rojnamegerê muxalîf. Sebebêke bîn zî o bi ke ez şahidê qirkerdişê Pirsûsî bîya. Pirsûs de berpirsîyarî nê, yê mexdur bî ameyî cezakerdiş."

 

'Serekê heyetê dadgehe persê trajîkomîk pers kerdî'

 

Havvaye dîyar kerde ke roniştiş de heyetê dadgehe persê trajîkomîk peers kerdê û va: "Her wext pers pers kerdî. Serekê heyete vurya. Ma wextê ke derg tepiştişnaye mendî. Ma vatêne do ma hemine serbest vera bidê. La dimayê serekê heyete vurya û persê ke mi ra pers kerdî mi va do ma vera nêdê. La ez ameya veradayîş."

 

'Piştdayîşê mabêne rojnamegeran kêm o'

 

Havvaye da zanayîş ke piştdayîşê mabêne rojnamegeran kêm o û va sey rojnamegerê muxalîf ganî xo rê rexnekerdiş bikerê û wina nêzdî bibê. Havvaye bale ante serê şert û mercê hepisxaneyî û wina va: "Serdest her wext wazenê muxalîfan bindest bikerê û no semed ra her wext hepisxaneyan xebitnenê. La seba rojnamegerê muxalîf nêresayî amancê xo. Hepisxaneyî cayêke merdim înan ra bitersê nîyê. Ma bawerîya xo yê bi rastî, weşî pawit û ma beşdarê ciwîyayîş bî."