ENQERE - Ekonomîst Guneş Gumuşe dîyar kerde ke krîzê ekonomî her ke şoro tewr kûr bibo û seba polîtîkayê AKPî do krîzê pîl bêrê ciwîyayîş û va: "Feqîrî verê berê ma de ya. Seba çîyê yenê ciwîyayîş do hêrsêke cidî zî vejîyo meydan."

 

Sereka Pêroyî ya Partîya Kedkarê Sosyalîst (SEP) û ekonomîst Guneş Gumuşe dayeyê ekonomî şîrove kerde û bale ante serê çîyê ke ameyox de yenê ciwîyayîş.

 

‘Do krîzêke cidî bêro ciwîyayîş'

 

Guneşe bale ante serê krîzê ekonomî û wina va: "Derheqê krîzêke ekonomî cidî bêro ciwîyayîş de vatişî estê. Ez wina fikrîyena. Na rewşe newe nîya. Tirkîya çaryewê hîrêyîn de tengezar bî. Dima ra zî pîl bî. OTV û KDV nêgirewtî. Teşwîq bi ca ameyî."

 

‘Şansê AKPyî krîz ra vejîyo çin o'

 

Guneşe da zanayîş ke no prosesî de deyn zêde bîyê û enflasyon zî zêde bîyê û wina va: "Proses de behsê pîlbîyayîşî nîno kerdiş û her ke şino verbi xirabîyayîşî şinê. Şansê AKPyî no krîzî ra vejîyo çin o. Seba no problemê virazbîyayîşê Tirkîya yo. Enflasyon vejîya sera 15î. Dolar resayo sînorê 5 TLyî. Serekkomar her tim vatêne do faîz bikoyê. Bankaya Merkezî serê 4 puanî ra zêdekerdiş kerdî. Dovîz bi hawayêke cidî zêde beno û TL zî bê erj maneno. Ma eşkenê bi îflasê heyetê sey Yildiz û Doguş Holdîngî dir bêrê vera yewbînan."

 

‘Krîz verê berî de yo'

 

Guneşe nê çî ardî ziwan: "Enflasyon tesîrê maeşan nêkeno. Ma nê zelal vajê feqîrî verê berî de ya. Xêrcê nê eke îflasê şîrketan virazyo, do betalîyê girseyî bêrê ciwîyayîş. Yanî krîz verê berî de yo. Krîz de yê vernî kar ra bêrê eştiş cinî yê. No krîz do tewr zêde bandure serê bindestan û komê feqîran bikero."