Ronîda Hacî 

 

TIL TEMIR – Cinîyê kurd her wext bi têkoşînê xo yê cuye omidê xo gur û sibarojê xo zî roşn kerdî. No urf û adetê wayîrvejîyayîşê kede û xo dewam keno. Cinîyê Til Temirî bi keda çareyê xo têkoşînê cuye danî û hewl danî ke payanê xo ser de bivinderî. Cinîyê Til Temirî dîyar kerdî ke keda tewr muhîme gonîya çareyê merdiman a.

 

Her çend ke Rojawanî Kurdistanî de şer bibo û şertê cuye zehmetin bibî zî têkoşînê cuye dewam keno. Cinîyê kurd her wext bi têkoşînê xo yê cuye omidê xo gur û sibarojê xo zî roşn kerdî. No urf û adetê wayîrvejîyayîşê kede tarîx ra nata dewam keno. Cinîyê Til Temirî bi ereqê çareyê xo têkoşînê cuye danî û hewl danî payanê xo ser de bivinderî. Cinîyê Til Temirî dîyar kerdî ke keda tewr muhîme gonîya çareyê merdiman a. Babete ser o cinîyan ra Kamîla Ezîz Seydo û Siltan Îsmayîle qisey kerdî.

 

Cinîya binameyê Kamîla Ezîz Seydoya 59 serrî qiseykerdişê xo de dîyar kerde ke 5 serrî yo ke dikanê xo akerda û wina domnaye: “Ez xebate ra zaf hes kena. Mi seba debara xo û heskerdişê karê xo dikan akerde. Ez haletanê dikanê xo suke ra herînena. Ez mîyanê xebatanê Komînan de zî ca gêna û çina destê mi ra bêro ez kena. Xebate merdiman serkewte kena. Ganî heme cinîyî bixebitî û payanê xo ser de bivinderi.”

 

'Deştiş seba mi heskerdiş o'

 

Siltan Îsmayîla 57 serrî zî ke karê deştişî kena qiseykerdişê xo de wina va: “Ez 15 serrî ya x ora nata xebitîyena. Deştiş seba mi heskerdiş o. Xebate merdiman nêweşîyan ra dûrî kena û pawena. Kesê ke keye de ronişenî û karêk nêkenî hertim nêweş î. Wexto ke ez xebitîyena dejê mi vîrê mi ra şono. Ez kincanê kurdewarî derzena. Ez veng dana heme cinîyan ke wa bixebitî û muhtacê kesêk nêbî.”