ŞIRNEX - Ocaxê qumî yê serê çemê Dîcle de yê û pêwa reaksîyonê şarî nînê padayîş, di hewteyê peyîn de 3 domanan cuya xo vinî kerdî.

 

Çemê Dîcleyî ro Cizîrê Şirnexî de seba ocaxê qumî roj bi roje ziwa beno. Cuya ganyan kono xetere û pêwa gazinc û gerrekerdişî zî ocaxî nînê girewtiş. Ocaxê qumî yê seba rantî zirar danê şarê mintiqa ro, ne ruhsat û ne zî raporê înan yê ÇEDî esto. Di hewteyê peyîn de seba gîrdabî hîrê domanî cuya xo vinî kerdî.

 

Ruhsat û raporê ÇEDî çin o

  

Wezaretê Bajarwanî û Derûdorî 8ê Kanûna 2007 de rojnameyê fermî de îlan kerd ke destûrê xebitnayîş û akerdişê ocaxê qumî do pêroyî de bêrê betalkerdiş. La pêwa 10 serrê derbaz bîyê zî serê Çemê Dîcleyî de ocaxî zêde bî. Heto bîn ra ne ruhsat û ne zî raporê ÇEDî esto.

 

3 domanan cuya xo vinî kerdî

 

Seba ocaxê qumî çem de çalî virazênê. Her serre seba nê çalan xeylê kesî cuya xo vinî kenê. Serra vîyarte de 4 domanî seba nê çalan merdî û emsar zî di hewteyê peyîn de hîrê domanî bi nameyê Şahîn Akbaş, Baran Haykir (13) û Roşat Noyano 13 serre cuya xo vinî kerdî.

 

Kampanyayê îmzan vernî ci nêgirewt

 

Rêxistinê komelê sivîl û ekolojîstan seba ocaxê qumî bêrê girewtiş kampanyaya îmzayan dayî destpêkerdiş la vernîya ocaxê qumî nêgirewtî.