EDÎRNE - Derheqê avûkat Ferîde Laçîne şîbî pêvînayîşê Hemserekê Pêroyî yê HDPyî verê Selahattîn Demîrtaş û parlamenterê Colemêrgî Abdullah Zeydanî de, bi sebebê telefonê xo ceba xo de xo vîr ra kerda û berda zere bi waştişê 5 serran cezaya hepisxaneyî dewa amî akerdiş.

 

Dewaya derheqê avûkat Ferîde Laçîne de amebî akerdiş netîce bî. Ferîde 12ê Teşrîna Peyêne 2016an de şîbî pêvînayîş, telefon ceba xo de xo vîr ra kerde. Telefon wexto ke X-Ray ra derbaz bi ame ferqkerdiş.

 

Çapemenîya terefdar propaganda kerde

 

Îdareyê hepisxaneyî va telefonêke, qertêke, sîm û qertêke hafiza serê aye de ameyo vînayîş. Çapemenîya terefdar e zî serê nameyê sey ‘avûkata Selahattîn Demîrtaşî, Ferîde Laçîn wexto ke telefon derbazê zere kerdêne amî girewtiş' manşet eştî.

 

Îdareyê hepisxaneyî îzahat da

 

Dimayê îzahatê îdareyê hepisxaneyî ra dima serdozgerîya Komara ya Edîrneyî bi waştişê 2 serran heta 5 serran cezaya hepisxaneyî îdianame amade kerdî. Ame îdiakerdiş ke Ferîde bi telefon û qert hewl daya ke biko zere. Îdianame hetê Yewin Dadgeha Cezaya Giran ya Edîrneyî ra ame qebûlkerdiş. Ferîde zî dîyar kerde ke aye ceba xo de xo vîr ra kerda û va bi ti hewa qestê aye çinbîyo ke telefon bero zere.

 

Qestê sucî çin o

 

Dadgehe roniştişê 6in de va heme delîlî ameyî komkerdiş û va qestê sucî çin o û qerarê beratî da.