STENBOL - Keyaya etabê 4in yê Atakoyê Bakirkoyî Fehamet Berke dîyar kerde ke ganî remnayîş û îstîsmarkerdişê domanan her tewir bêro destgirewtiş û wina va: "Ez veng dana heme cinîyan û heta ke seba bidê cuyayîş seferber bibê, polîtîkayê rast aver berê û vengdayîşê wayîrvejîyayîşî domanan kena."

 

Keyaya etabê 4in yê Atakoyê Bakirkoyî Fehamet Berke vindîbîyayîşê domanan û dima ra vînayîşê cenazeyê înan sey şermê dewlete name kerde û va ke seba na lekeya sîya bêra pakkerdiş û domanî binê asayîşî de bicuyê wezîfe kono serê milê ma hemine.

 

'Ziwanê medya sebebê çîyê ke ma cuyenê yo'

 

Fehamete bale ante serê bandura xeberê ke medya servîs kena,  qiseykerdişê kursiya meclise û arde ziwan ke ganî vatişê derheqê doman û cinîyan de bêrê weçînayîş. Fehamete dewamê qiseykerdişê xo de wina va: "Vatişê 'domana 6 serrî eşkena bizewicyo' gerek sey azadîya fikrî nêro binamekerdiş, bi rayîrê medya qiseykerdişê 'maya to zî bo kapaxê çokê ra tahrîk kena' servîskerdiş rewşa ke yena cuyayîş normalîze kenê û benê sebebê rewşa ke ma ewro tede cuyenê."

 

'Ceza metodêke rast nîya'

 

Fehamete dewamê qiseykerdişê xo de va ke babeta îstîsmarê zayendî de zêdekerdişê ceza dir verê çîyê ke yenê kerdiş nêgîno û metodê nê cezayan rast nîyo. Ganî seba cinî û domanan asayîşêke hîra bêro girewtiş û wezaretê cinî û domanan bêro awankerdiş. Eynî wextî de Fehamete va ke seba dinyake bi asayîş ganî nê qanûnê bîyaye meydan ra bêrê wedartiş.

 

'Ganî babete her tewir bêra destgirewtiş'

 

Fehamete tewr peyîn wina va: "Ma nêwazenê ne domanê ke verê keyeyê xo de yê û ne zî yê binê asayîşê dewlete de yê zirar bivînê. Ganî vera nê wehşetê serê cinî û domanan warêke têkoşînî bêro awankerdiş. Dima yê ke proses bêro vurnayîş ê do hîn çîyan xo dir bivurno. Ma sey keyayan ke ma kesê ameyê weçînayîş, çîyê warê pawitişê cinî û domanan de kono serê milê ma ma do bi ca bîyarê û veng danê her kesî vera îstîsmarê doman û cinîyan bêveng nêmanê."