STENBOL - Karkerê Flormarî 15ê Gulane ra heta nika seba heqê xo yê sendîka xo ver danê. Kedkarê Flormarî vengdayîşê boykotî Yves Rocher û Flormarî kerdî û vatî: "Ma sere nêtewêna, ma sere nêtewinenê. Ma zanê ke ma do serkewte bibê."

 

Karkerê ke Kozmetîkê Flaromarî yê Mintiqaya Sanayî yê Organize yê Gebzeyî, xebityenê û seba ke endamê Sendikaya Petrol-Îşî bî kar ra ameyî eştiş 15ê Gulane heta nika xo ver danê. Xoverdayîşê Flormarî bi çalakîya 5 karkeran dest pêkerd û pîl bî. Karkerê Flormarî xeylê het ra piştdayîş gênê. Karkeran va ke pişta înan Sendîkayê Petrol-Îşî û şarî esta û do xoverdayîşê xo dewam bikerê.

 

Sendîkabîyayîş heq o'

 

Rûkîye Başe arde ziwan ke dewlete hetê patronan a û va seba ke dewlete hetê patronan ra yena weykerdiş no semed ra dewlete heqê karkeran nêpawena. Rûkiye arde ziwan ke heta ke ê serkewte bibê ê do xo ver bidê.

 

'Dinya vengê ma eşnawite la dewlete vengê ma nêeşnawena'

 

Sultan Kiliça ke 9 serrî Flormar de xebitya arde ziwan ke wextê ke aye xebityayne hetê şefê berardişî ra ameya tehdîtkerdiş û ê verê ke tazmînatê xo bigîrê kar ra ameya eştiş.

 

Sultane wina dewam kerde: "Heme kesî vengê ma eşnawit, heta dinya zî vengê ma eşnawite la dewlete nêeşnawite. La ma do sere nêtewênê. Ma zanê ke ma do serkewte bibê."