AMED - Xebatkara Keyeyê Kitaban ê bi nameyê Lîlavî, Rabîa Karayîle dîyar kerde seba kitaban hepsîyan rê bieşrawê serra vîyarte kampanyaya ‘Askida Kîtap’ dayê destpêkerdiş û eleqeyê seba kampanya ke dayî destpêkerdiş kêm bîyo û va: “Hepisxaneyan de lazimî hema bi kitaban de esto. Ma hepsîyan bêkitab nêverdê."

 

Keyeyê Kitaban ê bi nameyê Lîlav yê Amedî yo, bi amancê piştdayîşê bi hepsîyan dir serrêke verê kampanyaya ‘Askida Kîtap’ dayî destpêkerdiş û seba kampanya vengdayîşê hîsgêrî kerde. Semedo ke eleqeyê seba kampanya bêro zêdekerdiş heta sera 50 vayîye kitaban yena kêmkerdiş. Xebatkara Lîlavî Rabîa Karayile veng da ke kitabêke seba xo kitabêke zî seba hepsîyan bigîrê.

 

Lazimî hema esta

 

Rabîa da zanayîş ke ewil rastê eleqeyêke pîl ameyê û dimayê ke aşma hamnanî ameya eleqe kêm bîya û wina va: "Lazimîyê hepsîyan ê kitaban zî dewam keno. Ma do kampanyaya xo dewam bikerê. Ma do hepsîyan bê kitab nêverdê. Hepsî problemê ekonomî ancenê. Hîn weşanxane piştdayîşê bi kitaban bidê hepsîyan zî la bi pêroyî de piştdayîşêke çin o. Bi taybet demê peyînan de nameyê hepsîyan de waştişê kitaban yeno kerdiş."

 

'Ma kitaban biwanê, wayîr kulturê xo vejîyê'

 

Rabîaye peynîya qiseykerdişê xo de dîyar kerde ke seba ameyoxî ganî her kes kitaban biwanê û wayîr kulturê xo vejîyê û veng da heme weşanxaneyan ke înan dir têkilî ronê.