ŞIRNEX - Husniye Doruka dewa Rihanî yê Sîlopîya bi îdiya întîxar kerda, bi guman cuya xo vinî kerde û derheqê merdişê aye de cigêrayîş ameyo destpêkerdiş û bi aşman o qet aver nêşîyo.

 

Dewa Rihanî yê Silopiya yê Şirnexî de, 15ê Teşrîna Peyêne 2017 de cinîya bi nameyê Husniye Doruke bi îdiaya întîxar kerda cuya xo vinî kerda û cigêrayîşê aye de tu averşîyayîş çin o. Otopsîyê aşma Çele de ame amadekerdiş sereyê aye de 3 guleyî, çaqeyê aye de zî guleyêke ame tespîtkerdiş. Derheqê merdişê aye de 4 kesî ameyî tepiştiş û derheqê raporê otopsî de cigêrayîş de tu averşîyayîş nêvirazyayo. Dozgerî zî derheqê cigêrayîşê ke qerarê nimte ardê waştişê wextî kerdî û heta nika îfadeyê 20 kesî ra ameyî tepiştiş.

 

Netîceyê îfade û cigêrayîşê ame kerdiş de serê doman û keyeyê mêrdeyê aye de rêçe barutî nêameyo vînayîş, kesê îfadeyê înan ameyo girewtiş zî vatê şewe hedîse veng nêeşnawitê. Gumanbarê ke îfadeyê înan ame girewtiş seba persê ‘şewa hedîse şima ça bî?' zî cewabê ‘Ma serê erdan ya zî tebera xebityayne' dayî. Dozgerî serê kiştişêke bi plankerdiş vindereno û yeno vatiş ke kesê ke çek xebitnayê zî seba veng nêro eşnawitiş vengberd xebitnayê.

 

Maya Husniye zî va kêna aye verê bi desan rey ameya tehdîdkerdiş û va kêna aye bi hawayêke guman cuya xo vinî kerda.