TIL TEMIR - Yewîya Ciwanê Rojawanî YCR yê Kantonê Hesekî bi rayşîyayîşêke girseyî xoverdayîşê Rojeyê Merdişî yê Hepisxaneyê Amedî ardî vîr.

 

Serrê 1980yî de dewleta tirkî vera tevgerê azadîye û şarê Kurdî fermanê çinkerdişî da. Bi hezaran ciwanê kurdî hepisxaneyan de bi hawayê ke wehşî îşkenceyan ra ameyî derbazkerdiş. Vera îşkence û bêrûmetî kadroyê rayber yê PKKyî Kemal Pîr, Hayrî Durmuş, Alî Çîçek û Akîf Yilmaz 14ê Temmuza 1982yan de rojeyê merdişî dayî destpêkerdiş û netîceyê na çalakîye de cuya xo vinî kerdî.

 

Yewîya Ciwanê Rojawanî (YCR) yê Kantonê Hesekî bajarê Til Temirî de bi amancê ke nê cengaweran bîyarê vîr rayşîyayîşêke organîze kerdî. Ciwanê Kantonê Hesekî posterê Rayberê PKKyî Abdulah Ocalanî, beyraqê YPJ  û YPGî berz kerdî û bi sloganê "Bicuyo xoverdayîş", "seba xoverdayîşê hepisxaneyî sere wedarne" rayşîyayîş kerdî. Rayşîyayîşo ke ame organîzekerdiş verê Merkezê Ciwanan de dest pêlerd û bi sloganê 'Seba xoverdayîşê hepisxaneyan sere wedarne' peynî bi.