ŞIRNEX - Sîlopîya de hetê DEDAŞî ra cereyan ame birnayîş û şar bi hewteyêke yo bê cereyan o. Qeza de dereceya germayî resa 45 û xetereyê nêweşîye vejya meydan.

 

DEDAŞî hewteyêke verê taxa Yenîşehîrê Sîlopîya Şirnexî de bi îdia yê ‘cereyan vera qanûn ameyo xebitneyîş' cereyanê 20 keyeyê ke reaksîyon mojnayê awankerdişê Panoyê Otomasyonê Sayacî  (ASOP) ra birnayê. Hemwelatiyê ke taxe de têlê cereyanî înan ameyê birnayîş, no hewteyoke bê cereyan ame verdayîş.

 

Bi 10 rojî yo bêcereyan ê

 

Cinîya bi nameyê Halîme Kandere da zanayîş ke 10 rojî yo cereyan taxa înan de çin o û wina va: "Ma zaf mexdur benê. Ma serê siba wirzenê, ma karê xo kenê û şinê baxçeyê cîranan û heta şan de nişnenê ro. Şan de zî çi werd bibo ma wanê û vejênê bênê keyeyî konê ra."

 

'Bi rojan o ma mexdûr ê'

 

Halîme dewam de da zanayîş ke wa êdî çareyêke bivînê û domanê înan nê germî de heme roj teber de yê û ganî çareserî bêro vînayîş.

 

Cinîya bi nameyê Tulay Bahare zî reaksîyon mojna ra û dîyar kerde ke seba cereyan çin o tebera manenê û seba hewayo germ nêweş konê û va ê nêeşkenê çîyêk bikerê û mexdûr bîyê. Tulaye da zanayîş ke her roje çalakîyan kenê û çalakîyan de cinîyêke hetê polîsan ra rastê şîdetî ameya. Tulaye tewr peyîn qiseykerdişê xo de da zanayîş ke senîn cereyanê înan birnayî do wina zî bêrê girê bidê.

 

Domanê ke emrê înan mabêne 10 û 16 de vuryeno zî vatî bi 9 rojî yo bê awa cemidnayeyê û êdî acis bîyê.