Lîlav Elî-Tolîn Mohemed

 

ŞEHBA - Cinîyê Efrînî yê ke netîceyê hêrişê dewleta tirkî û komê girêdayê ci de Kantonê Şehbayî de bi ca bîyê û ardî ziwan ke ê rincan nêbenê û vatî: "Têkoşînê ma dewam keno." 

 

Cinîyê Efrînî yê ke netîceyê hêrişê dewleta tirkî û komê girêdayê ci de Kantonê Şehbayî de bi ca bîyê ardî ziqan ke ê qetî bê hêvî nêmendê û fek xoverdayîşê xo ra vera nêdayê.

 

Nehidet Xelîle dîyar kerde verê ke Efrîn bêro dagirkerdiş ê bi ramitişî dir eleqedar bîyê û va: "Verê ke Efrîn hetê dewleta tirkî û çeteyê OSO bêro dagirkerdiş Efrîn de cuyake têduşt û demokratîk estbi. Cinî uca de jehatî bî û bi hawayêke azad cuyayne. Ez zî bi karê ramitişî dir eleqedar bîne. Nika ma zaf bêrîya Efrînî kenê. Ma serê herra xo dir bî koçber. Ma hêvî kenê Efrîn dagirkeran ra xelas bibo."

 

'Têkoşînê ma dewam keno'

 

Naziliye Xelîl arde ziwan ke nika Efrîn de cinî azad nîyê. Zulm ro înan yeno kerdiş û va: "Verê ke dewleta tirkî û çeteyê girêdayê ci Efrînî dagir bikerê ma sey cinî uca de azad bî  û ma bi xebatê xo serê lingê xo vindenê. La nika cinîyê Efrînî yê binê îqtîdarî OSO û TSKî de binê teda û zordestîyan de, yenê pelçiqnayîş. Ma wazenê reyna Efrîn xelas bibo û ma ageyrê serê herre xo. Têkoşînê ma dewam keno. Qetî ma do serkewte bê."