QAMIŞLO - Endama Buroyê Cinîyan ê Bajarê Qamişloyê Rojawanî Raniya Bîco derheqê kar û xebatê Şaredarîyê Qamişloyî de qisey kerde û va: "Heme xizmet bi ked û destê cinîyan yeno kerdiş û amanc averşîyayîşê xizmetê komelî yo."

 

Endama Buroyê Cinîyan ê Bajarê Qamişloyê Rojawanî Raniya Bîco derheqê kar û xebatê Şaredarîya Qamişloyî de bale ante ser kedê cinîyan û va: "Cinîyê kedkar bi hêz û îradeyê xo hêvîya şarî geş bikerê û warê xizmetê, pawitişê heqê cinîyan de wayîrê rolêke girîng ê."

 

Raniya Bîco da zanayîş ke aye kar û xebatê xo de girîngî danê keda cinîyan û komelî û va: "Wextê Rejîmê Baasî de hetê şaredarî ra tu xizmet nêameyne kerdiş. Dimayê Şorişê Rojawanî şaredarîyê şarî newe ra ameyî awankerdiş û seba şarî xizmetê erjîyayeyî ameyî kerdiş. Cinîyan zî bi îradeyê xo azad cayê xo mîyanê xebate de girewtî. La wextê Rejîmê Baasî de cinî nêeşkayne bi îradeyêke azad xebate bikerê. Nika cinî rayberî kenê û her warî de xizmetê komelî kenê."

 

'Heme problemê cinîyan serê buroyê şaredarî de yenê meşnayîş'

 

Raniya da zanayîş ke destpêkê xebatan de cinîyê xebatkar problemî ciwîyenê la bi rayîrê perwerdeyî nê problemî ameyê çareserkerdiş û wina dewam kerde: "Seba heme cinî beşdarî çalakîyê ke komelî aver benê bibê, ma zaf xebityayî û ma hema zî xebate kenê. Nika cinî bi hawayêke azad eşkenê xo îfade bikerê û beşdarî xebatê girîng benê. Seba komelî benê nimûne. Bandurêke pozîtîf yê buroyê cinîyan serê şarî de esto."

 

'Ma xebatê xo tewr zêde bikerê'

 

Ranya da zanayîş ke ê do xebatê xo tewr zêde bikerê û qiseykerdişê xo wina qedêna: "Ma do bi ked û şîroveyê cinîyan ke feyzê xo têkoşînê Rayberê Şarê Kurdî Abdullah Ocalan gênê xebatê xo twer zêde bikerê. Tîya her xizmet bi destê cinîyan yeno kerdiş û sey Rayber Apo vano 'Bê cinî cuyayîş nêbeno'."