ÎZMÎR - Badê weçînayîşê 24ê Hezîrane û sundê Serekê AKPyî Erdoganî ra dima ‘Sîstemê serekkomarî’ bi hawayo fermî kewt dewre. No sîstem sey sîstemê ‘Rejîmê camêrdêk’ yeno binamekerdiş. Yeno pawitiş ke OHAL 19ê Temmuze de biqedîyo û bi viraştişê qanûnanê neweyan daîmî bêro kerdiş.

 

Babete ser o Avûkat Bîrgul Degirmencîye qisey kerde û dîyar kerde ke bi sîstemê serekkomarî reyde îradeya şaran destê înan ra ameya girewtiş û heme çî tena binê destê şexsîyetêk de arê bîyî.

 

Avûkat Bîrgul Degîrmencîye qiseykerdişê xo de wina va: “Heme çî bi destê şexsîyetêk de yenî kontrolkerdiş. Eke wina bibo do lazimî bi OHAL û Qerarnameyê Hukmê Qanûnîyan (KHK) nêvînî. Wezîfeyê vetişê KHKyan dayî serekkomarî. Yanî versîyonê bîn yê OHALî ame awankerdiş.”

Bîrgul Degîrmencîye qiseykerdişê xo de daye zanayîş ke esasê nê averşîyayîşan de tu tesîrê meclisî nêmendo û bin nameyê sîstemê serekkomarî de rejîm ameyo awankerdiş û bedilanyîş. 

 

Wezîfeyê kontrolê meclisî çin o

 

Bîrgule dewamê qiseykerdişê xo de wina va: “Vîşêrê vetişê qanûnan tu wezîfeyê meclisî nêmendo. Heme wezîfeyê meclisî sîyayî serekkomarî. Ganî serekkomarî piştî nêdî partîyan û hetê tu partîyêk nêtepişî. Cok ra ganî derheqê serekkomarî de tehqîqat bidîyo dest pêkerdiş. Seba dest pêkerdişê tehqîqatî, ganî 400 rayî bêrî arêkerdiş û bierşawî Dîwanê Berzî. La mumkun nîyo ke parlementerê partîya serekkomarî rayan bidî. Cok ra kontrolkerdişê serekkomarî zehmet o.”