Rûken Goman

 

DÊRIK - Rojhelato Mîyanên de her wext şerêke giran qewimyayo û mîyanê nê şerî de yê ke tewr zaf dej antê domanî bîyê. Domanî her wext heqê xo yê meşrû ra bêpar mendê. Di domanî birayê yewbînan û nameyê înan Muhemmed Hacî û Ehmed Hacî mexdûrê şerê bi serran ê Rojhelato Mîyanên yê. Domanê ke şer ra nesîbê xo girewtê seba debara xo bikerê zî mecbûrî xebityenê. Xeyalê înan tewr pîl zî aştî û azadî yo. 

 

Bi serran o ke xeyalê domanê Kurdan û yê heme Rojhelato Mîyanên binê versîya şer de manenê. Domanê bi nameyê Muhemmed Hacî (11) û Ehmed Hacî (8) ke birayê yewbînan ê û Dêrika Rojawanî ra yê, seba şert û mercê giran yê şerî, caardişê xeyalê xo yê domanî ra bêpar manenê û zebeşan roşenê. Muhemmed û Ehmed dîyar kerdî ke wazenê warêke şer ser de bandura xo nêkero kay bikerê û domanî yê xo biciwîyê.

 

Muhemmed Hacî ard ziwan ke o wazeno şer biqedîyo û domanî bi hawayêke azad xeyalê xo bi ca bîyarê û va: "Wexto ke şerê Sûrîya dest pêkerd ma remayî Bajarê Dêrike. Ma zaf zehmetî ant û ma hema zî ancenê. Nika ez xebityena, wexto ke mektebe abibo ez do reyna şîyene mekteb. Semedo ke nika zaf germ o, ma zehmetî ancenê. Zimistanî zî seba ke germ o ma zehmetî ancenê. Zimistanî zî seba ke serd o ma zehmetî ancenê. Ez wazenê şer biqedîyo û bi hawayêke azad kay bikerê û xeyalê xo bicuyê. Ez wazena bibî mamoste û domanan perwerde bikerî."

 

'Wa êdî domanî nêmrê' 

 

Domano bi nameyê Ehmed Hacî zî ard ziwan ke o nêwazeno êdî domanî bimrê û va: "Wa heme domanî destê yewbînan bigîrê û kay bikerê. Ma wazenê bi xeyalê xo bicuyê, ma nêwazenê bimrê."