WAN - Endama ÎHDyî Wanî Ozlem Altune dîyar kerde ke vera îstîsmarê domanan, cayê xesênayîş û daleqnayîşî ganî çareyê mende bi ca bîyarê û seba caardişê Pêkerdişê Heqê Domanan ê NY zî veng da

 

Şîdetê vera domanan roj bi roje zêde beno. Tewr peyîn Enqere de domana bi nameyê Eylul Yaglikara, Agirî de zî Leyla Demîre ameyî remnayîş û qetilkerdiş. Dima ra AKPyî sey çareserî ‘xesênayîş' û ‘daleqnayîş' kerd rojeve. Heto bîn ra îtîrazê cinîyan vera nê zî her ke şono zêde beno.

 

‘Pêkerdiş bi ca nêanê'

 

Endama ÎHDyî yê Wanî Ozlem Altune zî va her cayê dinya de Pêkerdişê Heqê Domanan ê NYî ameyî îmzakerdiş û pêwa ke Tirkîya zî îmza kerda la bi ca nêana. Ozleme da zanayîş ke ganî vera ke cîyayî bikoyê mabêne domanan, heme domanî heqê xo ra feyde bigîrê û Tirkîya de bi 9 serrî yo 104 hezar û 530 qeydê domanê vindîbîyaye ameyê girewtiş.

 

‘Heme kesê binê emrê 18 de doman ê'

 

Ozleme dewamê qiseykerdişê xo de va tewr peyîn Eylul û Leyla ameyî qetilkerdiş û va: “No dejêke tewr pîl o. Ganî selahîyetdarê dewlete tedbîran bigîrê. Ganî çareserîyê mende bi ca bîyarê. Goreyê Pêkerdişê Heqê Domanan her kesê binê 18yî de doman ê. Xesênayîş  û daleqnayîş çare nîyo. Ganî cezayê tewr giran bêrê dayîş û ceza nêrê vistiş."