Duygu Cînîvîz

 

AMED - Partîya Herêmî Demokratîkî (DBP) dimayê îzahatê hetê hukmatî ra ame kerdiş ra dima dest bi xebatê rew yê weçînayîşî kerdî. Xebatkara Îdareyê Mintiqa ya DBPî Zeynep Uren dîyar kerde ke  şaredarîyê qayûm tayînê înan bîyê û mîyanê deynan de xetimyayê û va şarê înan û partîyan amade yê.

 

Zeynep Ulgere hemşaredara Qilabanê Şirnexî bî û qayûm tayînê cayê aye bi û nika xebatkara Îdarekerdişê Herêmî yê DBPî ya da zanayîş ke ê bi zîhnîyetê serdest yê camêrdan dir rî bi rî yê û sîstem her ke şino tewr dîktator beno. Zeynebe wina va: "Bi taybet îqtîdar wazeno bi weçînayîşê serdegirewtişê xo serê lingan de bimano. Wazeno bi KHK yan xo serê lingan de verdo. Bi 24ê Hezîrane dir waştî krîzê Tirkîya binimnê."

 

‘Qayûm talan kenê'

 

Zeynebe va şaredarîyê DBPî bi îdiaya ke vera problemê cinîyan, nasname û ekolojî alternatîfan awan bikerê xebat meşnayê û qayûmê ke tayînê şaredarîyan bîyê hêrişêke vera têkoşînî yo. Qayûm rewşêke derheqê sazgehê sîstemê serdest yê camêrdan de yo.

 

Zeynebe qiseykerdişê xo wina dewam kerde: "Şar û cinî vera na rewşe zaf bi hêrsin ê.  Qayûman qezencê cinîyan talan kerdî. Kulturê tebîî meydan ra wedarnayî û wazenê yew reng û zîhnîyetê camêrdan bêdê hîskerdiş. Her çiqas vajê qayûm xebityeno zî komelê ma rastîyan zano. Weçînayîşê mintiqa de do bê girewtişê şaredarîyan cewabê xo bidê. Komel kesê ke îradeyê înan çin hesibneno zano. Şarê ma do cewab bido."

 

'Şarê ma û partîya ma amade yê'

 

Zeynebe tewr peyîn qiseykerdişê xo de arde ziwan ke  şaredarîyê ke qayûm ci ameyê tayînkerdiş mîyanê deynan de yê û wina va: "Seba ke kaos awan kerdê, şar nêeşkeno biko şaredarîyan û şaredarî bîyê sey qerekolan. La ma seba weçînayîşê herêmî amade yê. Şarê ma û partîya ma amade yê."