Gulîstan Azak

 

ÇEWLÎK - Taxa Karşiyaka ya Merkezê kursê hunerî Merkezê kursê hunerî yê Kuya awe amî akerdiş û cinî nê dir warê îstîhdamî newe amanc kenê û wina vatî: "Bêrê ma huner bi kede xo bîyarê têhet."

 

Taxa Karşiyaka ya Çewlîkî Cadeyê Cumhurîyetî kurso ‘Kuya Awe' ame akerdiş û bi no dir îstîhdamê cinîyan yeno amanckerdiş. Kurs roja ke ameyo awankerdiş heta nika rastê eleqeyêke pîl ê cinîyan yeno. Cinîyê ke kuya awe yê ke baxçeyê înan de resenê, anê kurs û pê avîze û hacetê xemlî yê tewir bi tewir viraznenê.

 

Cinîya bi nameyê Umran Gunana Aytaşe dîyar kerde ke Çewlîk de seba muhafazakarî cinî sosyal nêbenê û wina va: "Çewlîk de falîyetê kulturî zaf kêm ê. Semedo ke muhafazkarê kursê winasî anêbenê. Gerek cinê bêrê nê kursan û tedayan bişiknê. Wexto ke ma newe ameyne kurs derûdorî vatêne ‘Çi karê şima uca de esto, cayê cinî keyeyê aye yo'. Pêwa heme rexneyan cewabê ma esto. Ganî nê tedayî peynî bibê."

 

Ozlem Yîgîte zî bale ante serê problemê ekonomî û arde ziwan ke seba Çewlîkijî eleqe nêmojnenê huner, şert û mercê ekonomî zî qels ê. Ozleme dîyar kerde ke aye kuya xo baxçeyê keyeyê xo de resnenê û anê tîya xemilnenê.

 

'Ganî cinî vajê 'ma eşkenê'

 

Ela Erkane zî arde ziwan ke seba cinî xo aver berê, ganî bêrê nê kursan û vajê ma eşkenê bikerê. Elaye tewr peyîn qiseykerdişê xo de arde ziwan ke awankerdoxê hunerî cinîyê û va eke cinî biwazê eşkenê her tewir zehmetî meydan ra wedarnê.