Sorgul Şêxo

 

TIL TEMIR - Verfeka Kongreya Star Çinar Yûsif bandura fîlmê Tirkî û Hindî yê serê cinî û komelî şîrove kerde û va: "Fîlmê Tirkî û Hindî benê sebebê ke şarê Kurdî binê bandura kulturo popîlist de bimano û cinî xozaya xo, kulturê xo yê kan ra dûr fînenê."

 

Bandurê kulturo popîlîst her ke şino zêde beno û no zî beno sebebê ke merdim kulturê xo ra dûr bimano. Şarê Kurdî zî bi serran o ke binê teda û hêrişan de yê û her wext xozaya xo ra dûr ameyê verdayîş. Na babete de medya rolêke girîng kay kena. Heto bîn ra filmê bi Tirkî û Hindî hîn ci ra bandurêke negatîf bi taybet serê cinîyan de keno û beno sebeb ke cinî kultur û xozaya xo ra dûr bikoy. Na babete ser Verfeka Kongreya Star Çinar Yûsife ard ziwan ke ganî cinî kulturê xo yê kan dûr nêkoyê û va: "Ganî cinî her wext xo vera kulturo popîlîst bipawê. Çunke bingeyê komelî ra yê."

 

Çinar Yûsife da zanayîş ke îqtîdar her wext bi ziwanê medyaya şerê psîkolojîk serê komelî dana meşnayîş û nê dir polîtîkayê xo yê asîmîlasyonî zî meşnenê û wina va: "Medya bandurêke negatîf serê cinî û ciwanan kena û wina teslîmê kapîtalîzmî benê. Eynî wextî de nakokîyê mîyanê kulturî de zî tewr kûr keno. No semed ra ganî sere de cinî û heme kesî xo medyaya îqtîdarî ra bipawê."

 

'Cinîyê ke bi hawayêke nêrast bi komelî danê naskerdiş'

 

Çinare wina dewam kerde: "Seba rayîrê nêrast û şerê psîklojîk yê ke serê medya bi rayî rê fîlm û reklaman yenê dayîş. No zî bandurêke negatîf serê ehlaq, cu û kulturê komelî keno. Medyaya ke tena seba berjewendîyê kapîtalizm û îqtîdaran xebityena, cinî bi hawayêke nêrast bi komelî dir dana naskerdiş. No semed ra hayeyê merdimî no kayî rê bibo û tedbîrê xo bigiro."

 

'Ganî doman û ciwan bêrê perwerdekerdiş'

 

Çinare tewr peyîn wina va: "Seba komel temamî ver bi xeter nêşêrê doman û ciwan î bêrê perwerdekerdiş û filmê ke cinîyan pelçiqnenê û rayîrê nêrast mojnenê merdiman, nêrê temaşekerdiş. Ganî merdimî wayîrê kultur û hunerê xo vejîyê û kulturê popîlîst dûr bimanê. No zî do bi hêz û îradeyê cinîyan virazyo."