ŞIRNEX - Fatma Tetîka ke emrê domanî de amî zewicnayîş û rastê şîdetê mêrdî amî, qetî fe xeyalanê xo ra vera nêda. Fatma nika mudirê tekstîlî ya û seba vernîye koçberî bigîro wazena warê newe yê îstîhdamî bêrê akerdiş.

 

Fatma Tetîka cinîya ke Cizîre de bi serran o têkoşîn kerda û Partîya Demokratîk ya Şaran (HADEP) de xebatê sîyasetî de ca girewt a û pêwa vatişê maya aye sey ‘ti kêna ya, çi karê to uca de esto' zî aye her roje şîya partî. La 13 serre ya aye de xeyalê aye ameyî zîncîrkerdiş û bi lajê xala xo dir ameya zewicnayîş.

 

‘Ez vera zîhniyetê înan de bîya'

 

Fatma dîyar kena ke pêwa heme çî aye têkoşînê xo meşnaya û wina va: "Mi mektebe nêwend. La kam kitab biameyne mi wendêne. Mi cinîyê keyeyî taqîb kerdêne. Mi hewl dayne ez kêmasîyê vistewrî û cêrîyanê xo nêkerî. Ma keye de her wext ameyne pelçiqnayîş. Mi nê nêheqî vînayene. Mi sey şîdet vînayene. Her kesî vatêne ti bandure ciniyê bînan kena. Seba ke ez bêveng bimanî şîdet bi mi ameyne kerdiş. Ez digane bîya mi kerdêne oda û nêverdayne ez vejîyî teber."

 

'4 serrî ra dima mi sifre kerdî yew' 

 

Fatma dewamê qiseykerdişê xo de wina va: "Ez sey nika bibayne do xeylê çî bivuryayne. Birayê mêrdeyê mi Alî her wext vera cinîyan bi. Vatêne ‘cinî ça bibê ez uca de nêmanena'. Mi ra vatêne 'ti zaf qisey kena, ti zaf xo bawer a, la ez do nê çîyan to dir bişiknî'. La mi kêmasîyê înan zanayne. Mi hewl da înan bivurnî. Esasê xo de ez seba Alî bîya nimûne. Serê sifre de cayê cinîyan çinbi. Dimayê camêrdan cinîyan werd werdêne. Ez vera nê vejîyaya la rastê şîdetî ameya. 4 serre ra dima mi sifre kerdî yew."

 

‘Ez do xeyalanê xo bi ca bîyarî"

 

Fatma da zanayîş ke dimayê ke keyeyê mêrdeyê xo ra visyaya waşta ke bixebityo û wina va: "Ma keyeyêke 6 kesî ra ameyne meydan bî. Mêrdeyê mi ewnîyayne ma ra. Mi xeyalê xo mêrdeyê xo ra va. Mi xeyalê xo ard meydan. Seba ciwanê Cizîre nêşêrê metropolan ez wazena warê îstîhdamî awan bikerî. Ez wazena kursêke akerî. Heta ez bibî ez do têkoşîn bikerî."