AMED - Heyetê dadgehe derheqê gumanbaro îstîsmaro zayendî Mehmet M.K de verê di serre ceza dabi la dima ‘vistişê takdîrî’ kerd  û ceza vist serrêke û 8 aşman. 

 

Licê yê Amedî de 27ê Sibate de wendekarê lîse A.B ke mektebe ra vejîya û şîne keye, rayîr de rastê îstîsmaro zayendî yê Mehmet M.K amî û pawitişê cewherî kerde û xo eştebî keyeyê embaza xo. Dima ra bi mudaxalekerdişê embaz û kesê derûdorî dir Mehmet ame tepiştiş û derheqê ey de suco ‘îstîsmaro zayendî yê şenik' dewa amî akerdiş. Yewin roniştişê dewa ame vînayîş.

 

Roniştişê Dadgeha Cezaya Asliyê Amedî ame vînayîş û gumanbar Mehmet M.K û domana mexdur beşdar bî. Dimayê tespîtê nasnameyan û wendişê îdianameyê gumanbar Mehmet M.K pawitiş kerd û îdia kerd ke tu rastîyê hedîse çin o û bê sûc o. Dima ra domana ke çî ameybî sereyê aye qalî kerde û va aye gumanbar nas nakena û va roja hedîse rayîr de meşyaya û rastê îstîsmaro zayendî yê Mehmet M.K ameya. Domana ke fek gerrekerdişê xo vera nêda û wina va: "Ez remaya û bi zor mi xo eşt keyeyê embaza xo. Dima ra ez embazêke xo geyraya û ame. Gumanbar verê berê de vindertib. Embazê mi ame ey dir munaqaşe kerd. Dima ra yê sereyê ameyî û ey derbkerdî."

 

Embazê domane zî ke sey şahid ame goşdarkerdiş dîyar kerd ke senîn hedîse eşnawitiş û va gumanbar pers kerdio ey zî vato ‘mi cahîlî kerdo, qusur ci nêewno'.

 

Mehmet M.K serê nê heqê vatişê girewt û dîyar kerde ke îfadeyê şahidî zur ê û tena vato seba ke hedîse pîl nêbo.vato ‘kusur nêewno'. Heyetê dadgehe zî sûcê ‘îstîsmaro zayendî yê şenik' 2 serrî ceza da û dima ra ‘dakewtişê takdîrî’ ceza vist serrêke û 8 aşman.