AMED - Qezaya Sûrî yê Amedî awanîyê tarîxî yê hezaran serrî ra dima qedexeyê tebervejîyayîşê kuçeyan de ameyî veşnayîş û rijnayîş. Awanîyê ke ci ra vatêne do bêrê pawitiş û restorekerdiş, bi hîrê serre yo bendeyê nê yê.

 

Sûrê Amedî de Kanûna 2015 de qedexeyê tebervejîyayîşê kuçeyan de ame îlankerdiş û xeylê çîyê tarîxî zî no prosesî de ameyî çinkerdiş, warê tarîxî ameyî bombardumankerdiş, gulevarnayîş. Dimayê pêrodayîşî rijnayîşî ke kultur çin kerdî dewam kerd. Pêwa 3 serrî ser ra derbaz bîyê zî hema awanî nêameyî restorekerdiş. Wezaretê Bajarwanî û Derûdorî û pawitişî viraştişê awanîyan dabi. La awanî bi eynî rengî pawenê.

 

Bîyê halînê kesê tîryakî xebitnenê

 

Taxa Dabanoglu zî bi seyan awanî şer ra bi bandure bîyê zî û hîn keyeyan hetê wayîrê înan ra ameyî viraştiş, yê veng zî ‘kono warê qerarê îstîmlakkerdişê lezgîn’ ameyî rijnayîş. Taxa vera keyeyan hema newe ame eştiş û keyeyê veng bîyê cayê kesê tîryakî xebitnenê.

 

Vatî do bipawê la...

 

Keyeyê ke ameyî vatiş do bêrê pawitiş, rojo ke qedexe ameyo wedartiş, heta nika hema na rewşe de yê. Keyeyêke bi îmkanê xo keyeyê xo viraşt û va keyeyê înan di qato û pêrodayîş de xisarêke pîl dî, katê binî bi îmkanê xo viraştê.

 

Keyeyê ke hewşê keyeyî seba bi xisar nêeşkenê bixebitnê, dîyar kerdî ke wezaretê înan ra derheqê keyeyan de nuşteyê 'do bêro pawitiş û viraştiş' ameyî eşrawitiş. Pêwa nuşteşê bi aşman o çîyêk nêameyo kerdiş û keyeyî va ê seba viraştişê keyeyî piştdayîş pawenê.