Melike Aydın

 

ÎZMÎR - Hemverfeka Koma Toximê Herêmî ya Îzmîrî Goknur Yeşîle dîyar kerde ke şîrketê zafneteweyî dest ronenî çimeyê awe û zîretî û wina va: “Ameyoxî de do şerê pîlî bivirazîyî. Nê şîrketê sere de toximan, dima ra dermanê zîretî û dima ra zî dermanê rîşa merdinwere roşenî. Welatî zî piştî danî nê şîrketan.”

 

Seke yeno zanayîş her çî bîyo tîcaret û weçîya merdiman ser de daxî tîcaret yeno kerdiş. Babete ser o Hemverfeka Koma Toximê Herêmî ya Îzmîrî Goknur Yeşîle qisey kerde û dîyar kerde ke şîrketê zafneteweyî dest ronenî çimeyê awe û zîretî ser û seba înan do ameyoxî de şerî pîlî bivirazîyî. Goknure dewamê qiseyekrdişê xo de bale ante tîcaretê weşîya merdiman ser û dîyar kerde ke nê şîrketî sere de toximan, dima ra dermanê zîretî û dima ra zî dermanê rîşa merdinwere roşenî.

 

Goknure qiseykerdişê xo de bale ante tîcaretê weşîya merdiman ser û wina va: “Şîrketê zafneteweyî wazenê ke dest ronî heme çimeyê toxim û awê Tirkîya û dinyaye ser. Wazenê ke tabloyêk sîya awan bikerî. ganî polîtîkayê citkarî bêrî raştkerdiş.” 

 

'Kapîtalizm wazeno dewî çin bibî'

 

Goknure qiseykerdişê xo yê peyênan de înan arde ziwan sere: “Şîrketê zafneteweyî aw û citkaran ser de hegemokyak awan kerdî û 4-5 şîrketan ra pê yenî. Şîrketo tewr pîlî Şîrketê Almanana Monsanto bi Bayerî yo û nê şîrketan ra tena yew o. Nê şîrketî toximê ke genetîkê înan ameyî bedilnayîş û nêweşîya rîşa merdimwere virazenî awan kenî. Badê toximan jehrê zîreetî roşenî. Badê ke merdimî nêweşîya rîşa merdimwere kewenî, na reye dermanê rîşa merdimwere roşenî. Her hete ra ceba xo dekenî û erj nêdanî weşîya merdiman. Hedefê înan çinkerdişê dewan o. Tirkîya de dewijî nêeşkenî heywananê xo bibî çerênayîşî. Cok ra hetê berardişî de qels bîya. simer daxî yeno îthalkerdiş. Tirkîya memurtîya nê şîrketan kena.”