STENBOL - Komelnase Berfîn Azdale ke wextêk derg derheqê koçberan de xebatan kerde, derheqê problemê cinî û domananê koçberan de malumatê muhîman daye.

 

Koçberê Sûrîye her roje bajaranê cîya-cîyayan yê Tirkîya de raştê hêrişan yenê û bi vatişanê xiraban benî hedef. Polîtîkayê hukmatî û ziwanê çapemenî benê sebebê hêrişan. Komelnase Berfîn Azdale ke wextêk derg derheqê koçberan de xebatan kerde, derheqê problemê cinî û domananê koçberan de malumatê muhîman daye.

 

'Ganî qanûnî bêrî bedilnayîş'

 

Berfîne qiseykerdişê xo de dîyar kerde ke serê îxlalkerdişê heqê domananê koçberan de îxlalkerdişê Pêkerdişê Cenevre esto û wina dewam kerde: “Na rewşe tena prosesê AKPyî de nêameya cuyayîş. Labelê prosesê AKPyî de hûmara koçber û îxlalkerdişê heqan zêde bîya. Tirkîya de 4 milyon koçberî estî. Ganî bi hawayo lez qanûnî bêrî bedilanayîş û îxlalkerdişê heqan kêmî bibî.”

 

'Îxlalkerdişê heqê domanan'

 

Berfîne dewamê qiseykerdişê xo de wina va: “Encax şer biqedîyo, şertê koçberan baş benî û do koçberî agêrî welatê xo. Mudirîyeta Îdareya Koçberan ya Stenbolî aşma çeleyî de muracatê pawitişê mîyanneteweyî daye vindetişe. Heme heqê koçberan ameyî astegkerdiş. Îxlalkerdişê heqê domanan virazîyenî.”

 

'Problemo yewin perwerdeyî yo'

 

Berfîne qiseykerdişê xo yê peyênan de zî wina va: “Problemanê koçberê Tirkîya ra tewr zêde problemê perwerdeyî esto û seba ke qertê nasname yê domanan çin o, domanî nêeşkenî xizmetî perwerdeyî ra feyde bigîrî. Sewbîna heqê ke yenî pelçiqnayîş ra yew zî problemê weşî yo û domanî nêeşkenî şêrî nêweşxaneyan. Domanî mecbur manenê ke bixebitî û Stenbolî de 10-12 saetî yenî xebitnayîş.”