WAN - Derheqê hemşaredara Artemîtî Sevîl Rojbîn Çetîne ke qayûm tayînê cayê aye de bîyo, derheqê sîstemê hemserekî de îdîaname ame amadekerdiş. Sevîl Rojbîn Çetîne wina va: "No rêzikname meclîsê şaredarî de îradeyê tewr pîl ke ma dinya de yewin modelê ci partîya xo bi ca kerdo yo. Serê nê bingeyî de bedel çi beno wa bibo ma do têkoşîn bikerê."

 

Serdozgerîya Komara ya Wanî bi sebebê 'vera mewzuatî’ yo bi îdîaya qerarê vindernayîş û betalkerdişê sîstemê ‘hemserekî' hemşaredara Artemîtî Sevîl Rojbîn Çetîna ke qayûm tayînê cayê aye bîyo îdîaname amade kerd. Yewin roniştişê dewa 18ê hezîrane de ame vînayîş û do roniştişo bîn 25ê Êlule de bêro vînayîş. Rojbîne îdiname şîrove kerde û dîyar kerde ke sîstemê hemserekî têkoşînêke sîyasî ke DBP meşneno yo û derheqê xeylê hemşaredaran de zî bi na waştişî dewa ameya akerdiş.

 

'Dinya de nimûneya ewil şaredarîyê DBPî vetî meydan'

 

Rojbîne da zanayîş ke welatê Ewropa de xeylê partîyê sîyasî bi sîstemê hemserekî yenê îradekerdiş û va 2014 de modelê hemserekî dinya de Partîya Herêma Demokratîkî (DBP) esas girewto û va ê zî esasê rêziknameyê partîya xo de şîyê weçînayîş.

 

Rojbîne dewam de da zanayîş ke Tirkîya de hetê îdareyê herêmî de ferasetêke îdareyî merdimî eşkenê boya xo bigîrê kerdê cuyayîş û va ê her ca de sey hemserek estbî û qezaya înan de zî aye û Abdulkerîm Sayan vejyayê vernîya şarî û temsîlkarîyê têduşt hetê şarî ra zî ameyo qebûlkerdiş.

 

Rojbîne da zanayîş ke wextê îdareyê şaredarî de sey hemserek bi wezîrê dewlete dir pêvînayîş kerdê û va amancê înan esas a bi ke îdareyê herêmî de temsîlkarîya cinîyan vejê meydan û îdareyê herêmî de temsîlkarîya têduşt esas girewtê.