AMED - Şaredarîya Sûrî ya ke qeyûm tayînî aye ameya kerdiş, bi di aşmî yo kuçeyê Surî pak nêkena û çopî rê verdayê. Hemwelatîyê Sûrî reaksîyon mojnayî kerdişê qayûmî û vatî: "Wazenê kam ci bedelî bima bidê dayîş?"

 

Dimayê ke Tirkîya de OHAL ame îlankerdiş û dima ra şaredarîyê Partîya Herêmê Demokratîkî (DBP) partî ra ameyî girewtiş û vera şaredarê DBPyî qayûm ameyî tayînkerdiş. Nê şaredarîyê ke qayûm tayînî înan ame kerdiş, yew ci ra Şaredarîya Sûrî ya Amedî ya.  Qayûmî ke sere de sazgehê cinîyan girewtî û cinîyan mexdûr kerdî nika zî kuçeyê tarîxî yê Sûrî çopî rê verdayî. Hemwelatîyê Sûrî ke seba çopî kuçeyan de nêeşkenê têbigeyrê, vera qayûmî reaksîyon mojnayî ra.

 

'Wazenê bedelê çi bi ma bidê dayîş'

 

Sûro ke heme kuçeyê ey bi çop pirr bîyê, hemwelatîyê qezaye vera qayûmî reaksîyon mojnayî ra û wina vatî: "Vanê ke pakîtî îman ra ya û hukmat qalê îmanî keno. La çopê kuçeyê ma rê dîyar beno ke hukmat îman ra çi fam keno. Seba çopî ma nêeşkenê verê dêsê kuçî ra derbaz bibê. Ma verê dikanê xo pak kenê la qîm nêkeno. No çop tena derûdorê lêşîn nêkeno, do bibo seba nêweşîyê giranan. Çira kuçeyê ma nînê pakkerdiş. Dewlete bedelê ke senîn ma ra wazena?"