ENQERE - Parlamentera HDPyî Fîlîz Kerestecîoglu va rayê AKPî kewtê û yê MHPî zî zêde bîyê û va seba proseso demokratîk virazyo, ganî hewldayîşêke cidî bêro mojnarayîş û şarî zî nê rolî dayê HDPyî.

 

Parlamentera HDPî ya mintiqaya Yewin yê Enqereyî parlamenter amî weçînayîş Fîlîz Kerestecîoglu netîceyê weçînayîşî şîrove kerde û va şarê Tirkîya HDPyî ra vato ‘Bê şima nêbeno’.

 

Fîlîze dewamê qiseykerdişê xo de bale ante ser tedayê ke HDPî rê benê û da zanayîş ke înan her ca de şahidîyê hedîseyan kerdo û va hedîseyî kanalê hetê îqtîdarî ra ameyî manupulekerdiş.

 

‘Gerek ma qerarê şarî dewam bikerê'

 

Fîlîze arde ziwan ke pêwa hêrişê vera HDPyî merdiman qerarbîyayîşê xo mojnayo ra û mojnayê ke bê HDPyî no welatî de demokrasî nêbeno û va ganî qerarbîyayîşê şarî dewam bikero.

 

’25 Parlamenterê cinî seba ma qîm nêkenê'

 

Fîlîze dewam de da zanayîş ke prosesê weçînayîşî de cinî seba HDP baraj derbaz bikero têkoşînêke pîl dayê û wina bale ante temsilîyetê têduşt û va: "Goreyê partiyê ke dayeyê ma hedef kerdêne no daye nîyo. Ma temsîlkarîyê têduşt pêşniyar kenê. Gerek ma daye berz bikerê. 25 parlamenter seba ma qîm nêkenê."

 

Fîlîze bale ante ser partiyê bînan zî û da zanayîş ke rayê AKPî de kêmbîyayîşêke cidî esto la yê MHP zî zêde bîyê. Fîlîze bale ante ser prosesê ameyox de û va weçînayîşê mintiqa zî zaf girîng ê.