ÎZMÎR - Yew namzedanê HDPî yê Îzmîrî ra Îdîl Ugurluye dîyar kerde ke xeylê hetê komelî ra weçînayîşê 24ê Hezîrane rê bi hêvî bîyê, la seba netîceyê ci hêvîya şarî tewr zêde vera sîstemî şikyaw û va ganî tewr zêde têkoşîn bêro dayîş.

 

Namzeda mintiqaya diyîn ê Îzmîrê HDPyî ra Îdîl Ugurlu ke netîceyê weçînayîşî şîrove kerde û dîyar kerde ke weçînayîşê 24ê hezîrane seba karkerê bi KHKyî karê xo ra bibî hêvîyêke bi, la tifaqê AKP-MHPî na hêvî meydan ra wedarnayê. Îdîle heto bîn ra da zanayîş ke do hema îxracê newe zî virazyê û va ganî verê ra tewr zêde têkoşîn bêro dayîş.

 

‘Atmosfer verpayê netîceyê weçînayîşî bi'

 

Îdîle dewam de arde ziwan ke weçînayîş bi hawayêke adîlane nêvirazyayo û wina va: "Binê OHALî de weçînayîş virazyayî. Wezîfedarê sindoqan bi çekan zere ra vetî û kesê ray xebitnayî bi derbkerdiş zere ra vetî û zaf îhlalkerdişê heqan ameyî cuyayîş. Şewe weçînayîşî sebi no tablo vejîya meydan. Atmosferê warî verpayê netîceyê weçînayîşî bi."

 

‘Şar bawerîya xo ya bi HDPî paweno'

 

Îdîle tewr peyîn qiseykerdişê xo de yewin alternatîfê vera yew mêrdekî HDP yo û wina qedêna: "Ez hema a bawerî de ya ke nê wareyan de bawerî yena pawitiş. Dimayê netîceyê weçînayîşî hêvîya merdiman bi sîstemî amî şiktiş. Bi taybetî keyeyî vera perwerdeyî reaksîyon mojenenê ra."