Evrîm Kepenek

 

STENBOL - Yew edîtorê rojnameyê Ozgurlukçu Demokrasîyî Reyhan Hacioglu hepisxaneyê Cinîyan ê Bakirkoyî ra mektubêke eşrawite û va: "Bedêlê nuştişê rastîyan û seba her kesî waştişê cuyake azad 7 ber o. Korîdor, ber, ber, ber… Tam 7 berî mabêne ma de estê."

 

Edîtora rojnameyê Ozgurlukçu Demokrasîyî Reyhan Haciogluye hepisxaneyê Bakirkoy ê Cinîyan ra mektubêke eşrawite. Reyhane da zanayîş ke qetî do rojêke rastî vejîyê meydan û wina va: “Bedêlê nuştişê rastîyan û seba her kesî waştişê cuyake azad 7 berî yo. Korîdor, ber, ber, ber… Tam 7 berî mabêne ma de estê."

 

‘Do cinî dinya xelas bikerê'

 

Reyhane arde ziwan ke hetêke zaf xurt yê heqîqetî esto û wina va: "Ma zanê, ma çinbê zî do heme çî bêro ziwan, yeno ziwan zî." Reyhane da zanayîş ke koxuşe de 30 cinî yê û bi umîdê 1 serre manenê û wina dewam kerde: "Vanê weşîkî do xelas bikero, la do cinî dinya xelas bikerê."

 

‘Çira hepsîyê nêweşî nînê hişê sîyasetmedaran?’

 

Reyhane dewamê mektubê xo wina ard ziwan: "Ma rojnameger ê. Ça nêheqî bibo, ganî ma bîyarê ziwan. Rewşa hepsîyê nêweşan baş nîyo. Seba ma roj derbaz benê la seba înan rojêke zaf girîng o. Sîyasetmedarî vanê ‘efû’ la hepsîyê nêweş nînê hişê kesî. Kes hepsîyê nêweşan nêano vîrê xo. Çira nînê hişê sîyasetmedaran?”

 

Reyhane tewr peyîn selamê xo seba heme rojnameger û dayîkê Şeme rê eşrawit.