MÊRDÎN - Vesîle Kaya 62 serrî ke pêwa nêweşî û emrê xo îfadeyê şahidê nimte ser 7 aşmî tepişnaye mende, şahida çîyê serrê 90an heta nika Kurdistan de ameyê cuyayîş a.

 

Vesîle Kayaya 62 serrî Newroza 92 ra heta nika têkoşînê xo bêmabên meşanaya û 7 aşmî tepişnaye mende û amî veradayîş. Vesîleya ke nêweşa şekirîya seba îfadeyê di şahidê nimte teşrîna peyêne 2017 de amî tepiştiş û 7 aşmî hepisxane de menda.

 

Seba binê panzêre de nêmana xo eşte gole

 

Serrê 90an de dimayê ke dewa înan veşa şî Nisêbîn û şahidiyê Newroza 92 kerde. Vesîle serrê 90an de tepişnayîş de rastê îşkence amî. Vesîleye wina va: “Newroza 92an de ez Pirda Şehîdan de bîya. Uca de panzêran merdiman pelçiqnayne. Ez zî seba ke binê panzêran de nêmanî, mi xo eşt awe. Camêrdêke mi awe kaşkerd. Ma kewtî kuçeyan. Ma xo wina xelas kerd. A roje ra nat her şewe eştî serê keyeyê ma. Ez o wext hema ciwan bîya. Înan mi tepişna. 16 rojî ez tepişnaye menda. Înan îşkenceyê giran ro mi kerdî."

 

‘Dayî domananê mi ro'

 

Vesîle da zanayîş ke bi serran o eynî zulmî vînenê û va seba qedexeyan mecbur mendê keyeyê xo terk bikerê û wina va: "Keyeyê ma rijnayî. Ma şî cayêke bîn, la ma Nisêbîn de reyna mendî. Ma cayêke bîn xe xo rê keye viraşt. Aşma teşrîna peyêne de eştî keyeyê ma ser. Ez keye de nêbîya. La dayî domanan û merdimanê mi ro."

 

Vesîle da zanayîş ke çend rojan tepişnaye menda û wina va: "Ez şewêke û di rojan emniyetê Nisêbîn de menda. Ez nêweşa şekirî Rojêke de 4 rey mi berdî nêweşxane. Seba derman çinbî ez xerikyayne. Ez hepisxaneyê Tîpê E yê Mêrdînî de 7 aşman menda. Dima ra bi veradayîşê kontrolî serbest veraday. Hepisxane de merdimê 70-80 serreyî estê. Ganî ê bêrê veradayîş."