ŞIRNEX - Parlamentera Şirnexî Nuran Îmîre, dîyar kerde ke ê sey cinîyê HDPyî meclîs de rengê xo vetî meydan û va hedefe înan a ya ke koma cinîyan awan bikerê.

 

Weçînayîşê 24ê Hezîrane de HDP reyke bîn zî Şirnex de 3 parlamenter vet. Yew parlamenteran zî Nuran Îmîre bî. Nurane da zanayîş ke pêwa heme astengîyan şarî îradeyê xo berdo sindoqan û pêwa heme hêrîş û zulmî şar serê lingan de vinderto û va heme dayîk, cinî, ciwan û şarê xo pîroz kena.

 

Nurane wina va: "No weçînayîş eynî wextî de têkoşînê vera rejîmê yew mêrdekî bi. Ma seba şert û mercan xebatêke goreyê xo nêmeşna. Ma vera tifaqê AKP-MHPî têkoşîn da. Seba ma bimanê turo diyîn ma zaf hewl da la nêbi. No zî ma rê bi dert. La ma do fek têkoşîn ra vera nêdê."

 

‘Ma do Koma Cinîyan awan bikerê'

 

Nurane vejîyayîşê 25 parlamenterê cinî yê HDPî şîrove kerde û nê zanayîşî dayî: "Ma cinîyê HDPyî rengê xo meclîs de vejêna meydan. Ma do Koma Cinîyan awan bikerê. Ma sey cinîyan heqê xo temsîl bikerê. Bi taybet ma seba zîhniyetê camêrdan meydan ra wedarnê ma do têkoşîn bikerê. Seba her kesî rîpelêke newe abîyo. Pêwa tedayan şarê Kurdî sere nêtewêna. Şar seba erjê xo kuçeyan da bî. Ma seba nê têkoşîn girs bikerê ma şarê xo dir bî. No şarî her wext seba heq û huqûqî xo ver da."