OSMANÎYE - Çar hepsîyê cinî yê hepisxaneyê Tîpa T yê Hûmara 1 ê Osmanîye de manenê dîyar kerdî ke ê her roje rastê şîdet, îşkence û tedayê gardîyanan yenê. Hemşaredara Pasûrî ya ke qeyûm tayînê ci bi Sadiye Suer Barane ke hepisxane de ya, dîyar kerde ke ganî her kes wayîrê înan vejîyo û wina va: "Beno ke siba erey bo."

 

Tedayê serê hepsîyê sîyasî roj bi roje zêde benê. Hepisxaneyê Tîpa T yê Hûmara 1 ê Osmanîye zî hepsîyan rê îşkence û şîdet yeno kerdiş. Hemşaredara Pasûrî Sadîye Suer Barana ke qayûm tayînê cayê aye bîyo û nika hepisxane de tewqîfkerdeya dîyar kerde ke îşkenceyî roj bi roje zêde benê.

 

Sadîye bi hemkarîya kêna xo Melek Barane xo resna ajansê ma û dîyar kerde ke hîrê embazê aye zî hetê gardîyanan ra ameyê derbkerdiş. Meleke arde ziwan ke maya aye Sadîye bi hîrê cinîyan dir koxuşeke de manena û uca de yew koxuşêke sîyasî esta. Meleke va cinîyêke Efrîn ra teslîm bîya waştê bikerê koxuşa maya aye, la cinî hemver vejîyayê. Meleke wina va: "Maya mi va 'wexto ke cinî verê înan ra ameya vetiş, ewil înan berdê koxuşê edlîyan û dima ra zî berdê ê xoser. Embazêke ma her roje hucre de yena girewtiş. Her roje ma rastê tedayêke yenê'."

 

‘Bedenê cinîyan de rêçê sîya estê'

 

Meleke da zanayîş ke maya aye neql kerda ke gardîyanî her roje erzenê koxuşan ser û bedenê înan de rêçe derbeyan esta û va muracatê ÎHDyî kerdê û eynî wextî de veng da ganî her kes wayîr hepsîyê Osmanîye vejîyê.

 

Sadîyeye mektuba ke 30ê Gulane de JINNEWSî ra eşrawitbî de zî îhlalkerdişê heqan ardebî ziwan. Sadîye vatebî wexto ke Hîlwan ra surgunê Osmanîye ameya kerdiş, rastê tacîzê vatişê yê gardîyanan ameya.