Viyan Seîd/ Nûpelda Têkoşîn

 

ŞENGAL - Xanesor de Zeynep Kinaci (Zîlan) hewteya serrgera çalakîya aye de kombîyayîşêke de amî vîrardiş. Kombîyayîş de sînevîzyon ame temaşekerdiş û serê çalakîya Zîlane de qisey ameyî kerdiş.

 

Qezaya Xanesorî de rayberîya Meclîsê Pêroyî ya Xanesorî de bi minasebetê hewteyê serrgera çalakîya Fedaî ya Zeynep Kinaci (Zîlan) kombîyayîş ame kerdiş. Kombîyayîş de girîngîyê çalakîya Zîlane de qiseykerdiş ame kerdiş.

 

Nafîye Meşo ya ke serê nameyê Meclîsê Pêroyî ya Xanesorî de qiseykerdiş kerde û wina va: "No hewte hewteyê serrgera çalakîya fedaî ya Zîlane ya. Zîlane ke zulm û tedaya dewleta îqtîdarî qebûl nêkerd, verê xo da cayê azad koyê Kurdistan î. Zîlane sey cinîyêke têkoşer, komploya serê Serekatî ke waştî viraznê, hêrîşê serê şarê Kurdî qebûl nêkerd û 30ê Hezîrana 1996 de, merasimêke leşkerê tirkî ê Dêrsimî de çalakîya fedayî viraşte û cuya xo vinî kerde. Zîlana ke zulm û teda qebûl nêkerde nika seba ma sembola cinîyê ke vera zulmê serê xo nêtewênena. Ma zî bejna xo verê çalakîya Zîlane de tewênenê û ma aye û heme şehîdê fermanê 73an anê vîr. Sey cinî ma soz danê heta ke dilopêke gonî bedenê ma de biba ma zulm û tedaya ke serê cinîyan de yena meşnayîş qebul nêkerê."

 

Dimayê qiseykerdişan kombîyayîş bi sînevizyono ke serê cu û têkoşînê Zîlane ame temaşekerdiş peynî bi.