Medîne Mamedoglu

 

MÊRDÎN - Serra vîyarte de aşma hamnanî de bi mabêne aşmêk de koyê Omeryan di rey ame veşnayîş û emsar pêwa heme çî zergûnayî xemilya.

 

Her serre seba polîtîkayê şerî xozaya Kurdistanî veşnayî û çinkerdî. Serrê 90an ra heta nika bi seyan rey xoza ameya veşnayîş la bi newebîyayîşê xo çimeyê xoverdayîşê xo mojnena ra. Sey koyê Omeryan ya Nisêbînê Mêrdînî. Serra vîyarte bi seyan hektar war ame veşnayîş û nika mintiqaya Omeryan newe ra zergûn bî.

 

Bi sebebê pêrodayîş esto ame veşnayîş

 

Serrêke verê mintiqaya ke dewe tede esta, pêwa ke qedexe çinbi zî bi mehnaya ‘pêrodayîş estê' bi teyareyan bombarduman virazya. Koyê ke 3ê ra tewr zêde qereqolî ro ci estê, netîceyî bombardumanî de şewat vejîya û hewteyêke koyî ameyî veşnayîş. Leşkeran nêverda şar zî şewat bitefno û hewteyêke şewat ame temaşekerdiş.

 

Kesêke cuya xo vindî kerdib

 

Şewato yewin hetê Akarsu vejîya û bi desan hektar war ame veşnayîş û a mabêne de kesêke cuya xo vinî kerd û bi seyan dar çin bî. Dimayê ke şewat ame tefnayîş, koyê ke hetê ci saxlem mendib zî ame bombardumankerdiş û ko û darî ameyî çinkerdiş.