Viyan Sayid-Delîla Axîn 

 

ŞENGAL - Cinîyê şengalijî derheqê tecrîdo girankerde ke Rayberê Şarê Kurd Abdullah Ocalanî ser de yeno bicaardiş kerdî û wina vatî: “Tecrîd teberê huqûqî yo. Ganî bi hawayo lez tecrîd bêro wedarnayîş.”

 

Tecrîdo giran ke Rayberê Şarê Kurd Abdullah Ocalanî ser de yeno bicaardiş, dewam keno. 27ê temuza 2011î ra nata avûkat, 5ê nîsana 2015î ra nata zî Heyetê Îmrali û teşebusê derbeya 15ê temuza 2016î ra nata zî keyeyê Ocalanî nêşênî şêrî pêvînayîşê Ocalanî. Babete ser o cinîyê şengalijî qiser kerd û bale antî tecrîdo girankerde ke Rayberê Şarê Kurd Abdullah Ocalanî ser de yeno meşnayîş ser.

 

Cinîyê şengalijî ra Şemê Qasime dîyar kerde ke seba azadîya daîmî ganî Abdullah Ocalan azad bibo û wina dewam kerde: “Ma cinîyê êzidî tecrîdo girankerde ke Rayberê Şarê Kurd Abdullah Ocalanî ser de yeno meşnayîş şermizar kenî û qebul nêkenî. Ma wazenî ke Serekê ma serbest bêro veradayîş û ma pîya bicuyî. Azadîya Serek azadîya ma cinîyanê êzidîyan a. Cok ra mah eme seba Serek mîyanê çalakîyan de yî û têkoşîn danî.”

 

'Abdullah Ocalan seba heme şaranê bindestan têkoşîn da’

 

Cinîyan ra Xezal Hesene zî daye zanayîî ke Abdullah Ocalan seba heme şarê bindestan têkoşn dayo û wina va: “Serek Apo merdimêk wayîrê vînayîş û vindetişî yo. Ganî heme kesî vînayîş û vindetişê Ocalanî xo rê finak bigîrî. Ma do vera tecrîdî de têkoşîn bidî. Tecrîd teberê huqûqî yo.”