MÊRDÎN - Nisêbîn de bi di serrî yo înşatê TOKÎyî dewam kenê û awanîyê taxa Zeynel Abîdînî aşma Adare de dest nêkerdê zî dimayê qerarê weçînayîşî ra dima reyke bîn zî berz bî.

 

Nisêbîn de dimayê pêrodayîşan qezaya ke taxê aye ameyî çinkerdiş, bihezaran keyeyî ameyî rijnayîş û 4 taxan de awanîyê TOKÎ peynî bî û tewr peyîn taxa Zeynel Abîdîn de dest bi awanîyê TOKÎ ame kerdiş. Verê weçînayîşî awanîyê ke tena bingeyê înan amebi destpêkerdiş, dimayê qerarê weçînayîşî di hewteyan de awanî berz bî û seba keyeyan zî mektubê ‘îmzan bierzê' ameyî eşrawitiş.

 

Bi qerarê Wezaretê Derûdor û Bajarwanî ra qerar amebi dayîş ke nêzdîyê 390 awanîyê TOKÎ taxe de bêrê viraştiş. Xêrcê xebata kontrolî bêra kerdiş, têl ameyî antiş û bingeyê keyeyan bi zor 3 aşman de ameyî eştiş. Taxê ke TOKÎyî ameyî viraştiş, bi di serrî yo viraştişê keyeyan dewam keno û dimayê qerarê weçînayîşî ame girewtiş ra dima taxa Zeynel Abîdînî di hewteyan de awanî berz bî. Keyeyê 2+1, 3+1 û 4+1 yenê viraştiş. Hema hema viraştişê înan ameyo sewîyaya qedîyayîşî.

 

Mesajî qîm nêkerdî mektubî yenê eşrawitiş

 

Komîsyonê Werêbîyayîşî hema zî seba îmzayan keyan rê mesajan erzenê. 60 keyeyî îmzakerdiş nêwaştî û komîsyon zî he rey pêşnîyaran beno keyeyan rê û seba keyeyê înan bêrê viraştiş vanê 'îmzan bierzê'. Xêrcê TOKÎyan viraştişê Înşaatê Merkezê Dayîş û Girewtişî (AVM) dewam keno.