WAN - Cinîyan seba mîtîngê fînalî yê weçînayîşî Wanî ke 23ê Hezîrane de virazêno vengdayîş kerdî û dîyar kerdî ke do bi sehezaran kesî bi serrî ra û bi coşêke pîl vejîyê waran.

 

Tirkîya de roja yewşeme weçînayîş do bibo û xebatê HDPyî dewam kenê. Mîtîngê fînalî yê HDPyî roja şeme Wan de virazyo. Hemsereka HDPyî Wanî Yadîşen Karabulake seba mîtîngî vengdayîşê kerde û dîyar kerde ke bi rayberîya cinîyan heme bajarî de ber bi ber geyrayê û a ruhî şinê mîtîngê fînalî. Yadîşene wina va: "Bajarê ma sey zerrîya Serhedî yeno vînayîş. Ma zî wina şîrove kenê. Mîtîngê ma do qederê 24ê Hezîrane de dîyar bikero.”

 

'Ganî cinî bi rengê xo waran bixemilînê’

 

Ayten Gelîbolu zî da zanayîş ke beşdarbîyaşê mîtîngî vera nêheqî, hemverê huqûqî û bêtudîştî yeno manaya ‘ma estê' û wina va: "Rojê vîyarte de eynî warî de AKPî mîtîng viraştê û AKPî qezayan ra kesî ardî war. Uca de beşdarbîyayîşêke bi zor estbi. Seba ke înan ra vatibî a roje saete uca de bê. Gerek şar bi zerrî ra beşdarê mîtîngê ma bibê. Do cinî bi rengê xo waran bixemilnê."

 

Şebnem Şekere zî arde ziwan ke ganî bi taybet cinîyê ciwanî beşdarê mîtîngî bibê û va seba weçînayîşêke tarîxî do mîtîngêke tarîxî bo.

 

Behîce Abîye zî qiseykerdişê xo de bale ante ser girîngiyê beşdarbîyayîşê mîtîngî û da zanayîş ke ê sey AKPî nê, zerrî ra şarî pawenê mîtîng.