AMED - Berpirsîyara Karê Bîlgî Îşlemî ya Koordînasyonê Weçînayîşî ya HDPî Berîvan Sîncare dîyar kerde ke înan xebatê xo temam kerdê û va ganî heme wezîfedar saete verê 07.00 bêrê warê xo û heta netîceyî zelal nêbê cayê xo terk nêkerê.

 

Weçînayîş de seranserê Amedî de hûmara kesê ke rayê xo xebitnenê mîlyonêke û 23 yê û bi pêroyî de hezar û 30 mektebî, 3 hezar û 319 sindoqan de rayî bêrê xebitnayîş. Bi amancê asayîşê sindoqan hetê HDPî ra 10 hezar kesî ameyî wezîfedarkerdiş. Berpirsîyara Karê Bîlgî Îşlemî ya Koordînasyonê Weçînayîşê HDPî Berîvan Sîncare da zanayîş ke dimayê qerarê weçînayîşî ameyo girewtiş ra dima înan nûkteya asayîşê sindoqan de xebat dayê destpêkerdiş.

 

Vernê de asayîşê sindoqan

 

Berîvane arde ziwan ke vernê de qeydê weçînitoxan û asayîşê sindoqan girewta dest û Amed de înan xo resnayo mîlyonêke ra tewr zêde weçinitoxan. Berîvane wina dewam kerde: "Yewin rey Tirkîya de caardişê sindoqê seyar kewtê ciwîyayîş. 271 qezayan de derheqê nê de muracat ame kerdiş. Ma reyna derheqê asayîşê 3 hezar û 319 sindoq û muşahîdan de xebate temam kerde. Seba pawitişê sindoqan zî avûkatan ra heta wezîfedarê mekteban, wezîfedarê sindoqan ra heta muşahîdan do bi deshezaran embazê ma wezîfe bigîrê. Ma xebatê xo yê teknîkî kerdî. AGÎT ra heta Parlamentoya Ewropa do xeylê heyetî muşahidî weçînayîş de ca bigîrê."

 

Berîvane bale ante serê vurnayîşê 12 hezar weçinitoxî û va na nuqta de HDPyî 74 cayan de wesayît amade kerdê ke hemwelatîyan berê serê sindoqan û va ê nê probleman rê bîyê hêzê çareserî.

 

Berîvan etewr peyîn da zanayîş ke xebatê xo temam kerdê û va ganî heme wezîfedarî saete verê 07.00 bêrê wareyê xo û heta netîceyî zelal nêbê cayê xo terk nêkerê û seranserî welatî de heta 17an raydayîş dewam keno. Berîvane va heta weçînayîş netîce nêbê ganî wezîfedarî warê xo terk nêkerê.