IDÎR - Dimayê talîmatê Serekkomarî AKPyî Tayyîp Erdoganî sey ‘Ganî HDP binê barajî de bimano' dima ra 24ê Hezîrane de bi rayberîya cinîyan seferberîyê asayîşê sindoqan ame îlankerdiş.

 

Namzedê HDPyî Îdir de heme serdayîşê xo de her dewe de babeta sindoqan de endîşeyê xo yê sindoqan dir yenê rî bi rî.

 

Hemşaredara Îdirî Şaziye Ondera ke qayûm tayînê verê ey ame kerdiş, dîyar kerde ke HDPyî vera heme provakasyon û hêrişê xurt vinderto û wina va: "Şima wextê peyîn de dî. Her wext vatî ‘Şêrê serê sindoqan û HDPyî binê barajî de verdê'. La HDP do qetî nêrê nê provakasyonan."

 

Provakasyonan baldar bê

 

Şaziye dewamê qiseykerdişê xo de arde ziwan ke asayîşê sindoqan de endîşeyîne estê û wina va: "Seba vîdeoyê tewr peyîn endîşeyê merdiman zêde bîyê. Eynî wextî de ma perwerde danê avûkatan û wezîfedarê sindoqan. Ganî vera provakasyonê ke virazyênê xebatî bêrê meşnayîş. Verê rayê ma ameyne diznayîş. Bi KHKyan hewl dayî ke xeylê vurnayîşan bikerê."

 

'Do heme embazê ma seferber bê’

 

Şaziye tewr peyîn qiseykerdişê xo de va seba asayîşê sindoqan heyetê xerîbî zî mekteban de bê û va ma sey avûkat do serê sindoqan bê û do heme embazê înan û do heme embazê înan a roje seferber bê.

 

'Na roje de wezîfe kono serê malê ma hemine'

 

Duygu Sumera Azerî da zanayîş ke HDP heme şaran hewineno û wina va: "Ma do pîya asayîşê sindoqan bigîrê. 7an ra heta 70an wezîfe kono serê milê hemine. Pawitişê sindoqan destê ma de yo. Ma do şêrê cayê ke sindoqê ma berdê. Avûkatê ma zî do mekteban de amade bê. Embazê ma yê wezîfedarî do siba rew cayê xo bê. Çi destê ma ra bêro ma do bikerê."