MERSÎN - Cinêyî Mersînî dîyar kerdî ke Tirkîya de krîzêke îdareyî û demokrasî esta û vatî do rayanê xo bidê HDPyî û wextê AKP û Erdoganî zî pirr bîyo.

 

Cinîyê Mersînî dîyar kerdî ke hêvîya înan tewr zêde a ya ke Tayyîp Erdoganî bieşrawê û vatî AKP û Erdogan êdî wextê xo pirr kerdê.

 

 'Ez raya xo nêdana tifaqan’

 

Meleka ke do 24ê Hezîrane de yewin rewy raya xo bixebitno dîyar kerde ke pêwa ke keyeyê aye MHPyij ê, tercîhê aye cîyaya û wina va: "Amancêke, vindertişêke sîyasî yê MHPî çin o. Bi problemê wendekaran dir eleqeder nêbenê. Çareserî nêvirazêno. Ez raya xo nêdana AKP û MHPyî. Ez do her wext edalet bipawî. Ez qisey bikerî do mi bierzê hepisxane. Hepisxaneyan de xeylê kes estê. Namzedê HDPyî Selahattîn Demîrtaş zî hepisxane de yo. Ez tepiştişê înan şaş vînena."

 

'Îdareyêke newe şert o'

 

Gulcan Can Atane zî da zanayîş ke xeylê multecîyê mexdurê şerî netîceyê polîtîkayê şaş de Tirkîya de ameyê bicakerdiş û no problem Mersîn de problemê cidî vejeno meydan û va: "Dimayê ke multecî ameyî Tirkîya, seba hîn koman ma nêeşkenê domananê xo vejê teber. Ma welat û bajaranê xo de êdî tersenê. No semed ra gerek îdareyê AKPyî bêro vurnayîş."

 

Mîne Ondeşe arde ziwan ke ganî îdareyê welatî bêro vurnayîş û wina va: "Lîderê partîya ke bi dizdî yeno zanayîş no ser fikrê xo ano ziwan, la lîdero bîn zî zere de yo. No çîyêke normal nîyo. Ez do vera nê bêhuqûqîyan ez do raya xo bidî HDPyî.

 

'Seba çareserî cewabê mi HDP yo'

 

Cinîya bi nameyê Ozlem Înane zî da zanayîş ke yewin adresê çareserî problemê Tirkîya HDPyî û namzedê serekomarî Selahattîn Demîrtaş o û do raya xo bido HDPyî.

 

Hatun Îşnase zî arde ziwan ke ganî Kurdî vera AKPyî 24ê Hezîrane de bibê yew û do 24ê Hezîrane de cewabê lazim bidê AKPyî.