MERSÎN - Akademîsyen Zelîha Burcu Acare dîyar kerde ke seba ke Tirkîya de çepgirî hêzê xo vindî nêkerê ganî HDP şêro meclîs û wina va: "Sîyasetê Tirkî bi polîtîkayê netewperest, şovenîzm û bi faşîstî reyna Kurdan înkar kerdê û no înkar zî tarîxê Kurdan de sey şerm mendo."

 

Yar. Doç Dr. Zelîha Burcu Acara Beşa Felsefeyî Unîversîteya Yuzuncu Yil a Wanî de bi mehnaya Îmza eşta vilawika aştîye û ameya îxrackerdiş, dîyar kerde tedayê vera HDPî zêde bîyê, bêrêzdarîyê vera şarê Kurd û sîyasetê Kurdan o. Zelîha eynî wextî de tepiştişê Selahattîn Demîrtaş zî sey esîrgirewtiş şîrove kerde û va ê nê faşîzmî ke vera Kurdan yenê kerdiş xo vîr ra nêkenê.

 

Çira HDP: Cewab zelal o

 

Zelîha da zanayîş ke weçînayîşê 24ê Hezîrane de sere de Kurdî û heme şarî ganî vera tifaqan bibê wayîrê helwest û va ê vanê HDP, seba ke welat de problemê Kurdan, problemê cinîyan, ciwanan û betalî estê û partîya ke seba înan çareserî bîyaro HDP yo.

 

Zelîha heto bîn ra dîyar kerde ke partîyê çepgirî û sosyalîst yê Tirkîya êdî nêeşkenê probleman çareser bikerê û seba nê zî HDPyî vera probleman dubare kenê polîtîkayê çareserîyê kenê û no semed ra zî seba ke çepî xurt bibê HDP şert o.