ŞIRNEX - Esmer Çikmaze qedexeyê Cizîre de kênaya xo Yasemîn û lajê xo Vahap vindî kerdî persa 'Seba dewleta ferqê qorîcîyan û gerîla çin o. Şima do heta kenga verê sîlehan bidê xo?' Qorîcîyan ra pers kerde. Esmere veng daya heme kesî kerde ke wexto ke şima şinê ser sindoqan, domanê seba şarî xoverdayî xo vîr ra nêkerê.

 

Esmer Çikmaza ke qedexeyê tebervejyayîşê kuçeyan de kêna xo û lajê xo bi 20 rojî mabêne de vindî kerd, dîyar kerde ke çîyê ke cuyayê bi vatiş nêqedêno. 

 

Esmere prosesê ke cuyaya wina va: "Mi nêzana ke kêna mi şehîd bîya. Heme xo ra verê çimê mi de şehîd kewtî. 200 metre mabêne ma de bi. Bi desan kesî wina gan da. Heme doman bî. 7ê Sibate de şehîd kewtî. 27ê Sibate de musayî cenaze Nêweşxaneyê Dewlete ya Cizîre de yê. Mi cenazaya kêna xo dî. Çimê aye vetibî. Ez nê rojan xo vîr ra nêkena. Morg nêxebityayne. Her ca boy ameyne. Maske dayî mi. Mi maske nêgirewt. 20 roj ra dima zî lajê mi şehîd kewtib.”

 

Esmere dîyar kerde ke hîkayeya aye deg a û wina va: "Çîyê ke ma dî nînê vatiş. Dewlete reya ewil Kurdan qetil nêkena. Nêwazenê şarê Kurdî pêş bikoy. Seba dewlete ferqê qorîcîyan û gerîla çin o. Kurd Kurd ê.

 

‘Bi rayêke eşkenê zaf çî bivurnê'

 

Esmere persa ‘heta key verê sîlehê xo bidê xo' qorîcîyan ra persa û wina va:  “Dewlete heme Kurdan sey yewbînan vînena. Ti qorîcî bê, ti leşker bi zî ti Kurd ê. No semed ra wextê yewîtî yo. No semed ra  averşîyayîş bi rayêke çî vuryenê. Wextê şinê ser sindoqan wa domanê ke seba şarê xo ganê xo dayî xo vîr ra nêkerê."