MERKEZÊ XEBERAN - TTR-FAP ke nêweşîya genetîk a û kêm yena vînayîş. her ke aver şina bena sebebê vindîbîyayîşê fonksîyonê meşnayîşî. Û beno ke teviznayîşê dest û lingan zî yew nîşaneyê nêweşîye bo.

 

Tirkîya de yena vatiş ke 6-7 mîlyon kesî bi nêweşîya kêm yena vînayîş konê. Yew nêweşîya genetîkî TTR-FAPe ya û aye kêm yena vînayîş a. Endama Wezîfedara Banderîya Beşa Zanistî ya Norolojiyê Fakulteya Tipî yê Unîversîteya Hacettepe û Moderatora Koma Xebata Nêweşîyê Noromuskuler ya Komeleya Norolojiyê Tirkan Prof. Dr. Sevîm Ozdamare dîyar kerde ke nêweşîya TTR-FAP netîceyê xirabîyayîşê genetîkê proteînê bi nameyê transtîretîn vejêna meydan. Sevîme arde ziwan ke nê xirabîyayîşî beden de kom benê û bi nêweşî dir çimî, qelb, gurçik zî tede xeylê organ bi bandure benê.

 

Emrê 50î de yena vînayîş

 

Sevîme dewamê qiseykerdişê xo de va ke nêweşîye pêroyî mabêne 30-50 de yena vînayîş û wina va: "Nêweşî bi taybet rayîrê genetîk ya maye ya zî pî ra yena girewtiş. La reyan maye û pî dir nîşane nînê vînayîş la yewin rey kesî dir yena vînayîş. Welatê ma de hûmara nêweşîya TTR-FAP kêm ê û cîranê welatê ma dir zêde yena vînayîş."

 

Tevîznayîşê dest û lingan de baldar bê

 

Sevîme derheqê nîşaneyê nêweşî de zî zanayîş da û wina va: "Nîşaneyê tewr zêde yenê vînayîş qelb û sîstemê sînîr de yena vînayîş. Nîşnayê sîstemê sînîrî zî bi xo teviznayîşê dest û lingan û bêhêzî mojnena ra. Seba teşhîsî zî ganî testê genetîk bêro kerdiş."