MÊRDÎN - Cinîyê Suryanî, Mêrdîn de ber bi ber geyrenê û seba HDPyî rayan wazenê. Cinîyan dîyar kerdî ke wa meclîsî de heqê vatişê înan zî bibo û no semed ra raya înan HDPî ra ya.

 

Mêrdîn de Suryanîyan piştdayîşê xo seba HDPyî eşkera kerdî û cinîyê endamê Komeleyê Cinîyê Suryanî yê Mîdyatê zî seba HDPyî kuçe bi kuçe geyrenê.

 

'Ma ber bi ber geyrenê'

 

Marîa Tokgoze va ke ê welatêke tewr baş wazenê û va: "Ma no semed ra rayanê xo danê HDPî. Sera 90 cinîyê Suryanî rayanê xo danê HDPyî. Ma ber bi ber geyrenê û rayan wazenê. Sebebê ci ma vanê. Verê zî parlamenterêke ma Suryanî estbi. Nika Mêrdînî de rêza hîrên de Tuma Çelîk esto."

 

'HDP heme komelî temsîl keno'

 

Teodora Ozdemîre zî wina va: "Ma sey Komeleyê Cinîyê Suryanî piştdayîş danê HDPî. HDP her het ra şert û mercê têduşt pêşnîyarê cinîyan keno. 

 

HDP heme şaran temsîl keno. Her tewir merdimî têhet gêno. HDP mîyanê komelî de yo. No semed ra ma HDP û Demîrtaş tercîh kenê."

 

Barbara Akaye zî sebebê piştdayîşê ke danê HDPî wina va: "Heme reng, ziwan û kultur HDPî de yê. No semed ra ma vanê HDP. Ma seba aştî, têduştî û azadî vanê HDP. Ma zî bi embazanê xo yê cinî yê Suryanîyan dir yew bi yew keyan geyrenê û ma înan kenê wayîrê hişmendî. Ma seba HDPî rayan wazenê."