AMED- DEM Partî kitabê kurdkî yê “Repertuara Stanbêjiyê” yo ke Akademîya MA Musîcî hadre kerdo, tutan rê erşawitî.

 

Komîsyonanê Tutan û Ziwan, Kultur û Hunerî yê DEM Partîye, çarçiweya 15ê Gulane roşanê ziwanê kurdkî ser tutan rê kitabî erşawitî. Rayedarê DEM Partî verê Postaxaneyê Ofîsî de ameyî têhet û kitabê kurdkî yê “Repertuara Stanbêjiyê” yo ke Akademîya MA Musîcî hadre kerdo, tutan rê erşawit.

 

Hemverfeka Komîsyonê Ziwan, Kultur û Hunerî yê DEM Partîye Cemîle Turhalli çalakî ser wina va: “Ganî ma her ca de bi ziwanê xo yê dayîke qisey bikerî û biwanî. Seba komelêk ziwanê dayîke zaf bi avzel o. Eke şima destê komelêkî ziwanê ci bigê, şima destê ci ra her çikê ci gênî. Şarê kurd seba ziwanê xo têkoşînêko gird da. MA Musîc verba polîtîkayanê asîmîlasyonî kampanyaya 1 Milyon Kitabî û 1 Milyon Domanî da destpêkerdiş. Mîyanê nê kitabî de 4 lehçeyanê kurdkî de kay û deyîrî est ê. Ma zî wazenî nê kitabî biresnî domanan û ma wazenî wa her kes bi ziwanê dayîka xo qisey bikerî.”

 

Avzelîya ziwanê dayîke

 

Hemverfeka Komîsyonê Tutanan ê DEM Partîye Berîtan Guneşe zî çalakî de qise kerd û aşkera kerd ke erşawitişê nê kitaban ê tutan rê seba ziwanê dayîke xizmetêk a û wina domna: “Na kampanya zaf bi mane û avzel a. Bi serrana ziwanê ma de polîtîkayê asîmîlasyonî est ê. Ma wazenî tutan wa bi ziwanê dayîka xo qise bikerî.”

 

Dimayê beyanatî, PTT’yî ra tutan rê kitabî ameyî erşawitiş.