MERKEZÊ XEBERAN - Yewîya Cinîyê Şoreşgerî yê Myanmarî bi wesîleya pîrozkerdişê awankerdişê YPJ’yî dîyar kerdî ke ê YPJ’yî ra hêz gênê û mesajê ê bi YPJ'yî serberz ê, dayî. 

 

Yewîneyê Pawitişê Cinî (YPJ) 12ine serrgêra awankerdişê xo û rojbîyayîşê Rayberê Şarê Kurdî Abdullah Ocalanî bi merasîmêk bi sloganê "Artêşa cinî temînatê cuya azad a" pîroz kerd. 

 

Yewîya Cinîyê Şorişgêrî yê Myanmarî bi sînevîzyono ke merasîmî rê şirawit, awankerdişê YPJ'yî pîroz kerd. Sînevîzyon de yewîneyê cinîyan dîyar kerd ke YPJ’yî hêz girewtê û awankerdişê ci silam kenê û wina vatî: "Serrgêra hevalanê ma yê YPJ'yî yê şorişgêran pîroz bo. Ma cinîyê şoreşgirî yê Hêzê Pawitişê Neteweyî yê Çînî yê Myanmarî yê. Îmtîhanê şima, semedê ma îlhamek o. Ma eşkenê jîyatîyê cinîyan bivînê ke senî eşkenê şer de bêsînor şer bikerê û bibê fermandar.

 

Ma hêvîdar ê ke ameyoxê ma de ma pîya herêmanê xo de hemverê dîktatorî têkoşîn bikerê, mil bi mil, şima dir heta ke dîktatorî rîyê erdî ser o wurzo, têkoşîn bikerê. Ma bi şima serberz ê û hurmetê xo neql kenê. Ma şima pîroz kenê.”